Software (MKD)

Мојата Топ 10 листа на совети

2007-03-25T16:28:00.000+02:00

Секогаш е интересно да слушнеш или прочиташ различни размислувања, посебно ако се тоа ДА/НЕ, или ТРЕБА/НЕТРЕБА совети во кои некогаш ќе се препознаеш самиот себеси, а некогаш ќе најдеш критика за својот начин на работа, или пак едноставно нема да се согласиш со напишаното.

На Coding Horror блогот најдов интересен пост Top 6 List of Programming Top 10 Lists.

Посебно ми се допаѓа листата на Jery Weinberg, The 10 Commandments of Egoless Programming.

Базирана на моето скромно искуство, мојата Топ 10 листа на совети би изгледала вака:

Критикувај го својот код. Самокритиката е доблест, а не маана.

Не започнувај да работиш пред јасно да ги разбереш бизнис барањата (business requirements). Не започувај да работиш ако не знаеш што треба да направиш.
Не започнувај да работиш, ако не знаеш како нешто да направиш.
Тестирај пред да кажеш ДА! Мораш да имаш соодветна околина за тестирање. Истата треба да биде многу слична на продукцијската и да дозволува приближна процена на перформансите кога кодот би бил во продукција. Внимавај, перформансите на кодот не се исти кога истиот се извршува над 100 и над 100,000 записи во база. Перормансите на кодот не се исти кога на истиот пристапуваат 10, 100 или 1000 корисници.
Дискутирај пред и за време на програмирањето!
Примај совети од другите, немој да мислиш дека знаеш се!
Copy+Paste Никогаш!!!
Документирај го тоа што си го направил. Ако немаш соодветен софтвер за версионирање, прави бекап од секоја добра верзија на својот код.
Никогаш не ја оставај идејата за утре. Утре, може да биде премногу доцна.
KISS, Keep it Simple and Stupid

Поздрав!

Oracle TimesTen 10 пати побрзо!

2007-03-24T18:54:00.000+01:00

TimesTen е една од аквизициите кои Oracle ги направи не толку одамна (Јуни 2005).

TimesTen е база која комплетно е алоцирана во физичката меморија на серверот. Значи поентата е што повеќе да се елиминира I/O операциите со хард дискот.

За манипулација со податоците користи јазик базиран на SQL стандардите.

Главни компоненти во поглед на архитектурата се checkpoint file и log file. Кога се подига базата, целосната содржина на checkpoint датотеката се реплицира во физичката меморија.

Секоја трансакција се запишува во лог датотека, која периодично се користи за освежување на checkpoint датотеката. Ова значи дека во случај на ненадејно паѓање на системот трансакциите не се губат со губењето на физичката меморија. Кога системот ќе се подигне повторно и базата се стартира, TimesTen ја вчитува содржината на checkpoint датотеката и ги процесира трансакциите од лог датотеките кои не биле запишани во checkpoint датотеката во моментот на губењето на меморијата.

Нормално дека критична компонента на оваа база е checkpoint датотеката. Со нејзино губење се губат и податоците. Како превентива, TimesTen нуди опција за репликација податоците со што би се заштитиле истите во случај на оштетување на checkpoint датотеката.

TimesTen може да работи како самостојна база, или пак да претставува front-end кеш на голема Oracle база која работи во позадина.

Значи овој продукт нуди можност за употреба заедно со стандардна Oracle база. Со оваа солуција добивате робусно решение кое може во голема мерка да ги подобри перформансите на апликацијата.

Суштината на ваквото решение би била во кеширање на најмногу користените податоци со што би се намалило времето на извршување на query-јата.

Табелите кои сакате да ги кеширате ги сместувате во посебни кеш групи.

TimesTen нуди можност за делумно кеширање на податоците од една табела. Податоците во TimesTen се освежуваат со податоците од главната база синхроно или асинхроно. Постои и можност за on-demand освежување.

Но, сега би се поставило прашањето кои табели да се кешираат?

Мое мислење е да се кешираат табели чии податоци се воглавно read only или пак се "речиси" read only.

Зошто?

Ако сакате да кеширате голема табела врз која ќе извршувате комплесни query-ја, TimesTen нема да ви ги даде очекуваните перформанси. Имено, позади Oracle базата стои Oracle Optimizer кој ви помага да ги добиете вашите податоци на најбрз можен начин. TimesTen не е толку суфистицирана. На пример во случај на извршување на комплексно query кое што вклучува итеративно извршување на sub-query TimesTen најверојатно ќе го извршува sub-query-то за секој рекорд кој го враќа назад. Тоа води кон интензивно читање на меморијата кое во случај да sub-queryto процесира повеќе податоци, може многу да го успори вкупното извршување. Oracle CBO Optimizer-от би го процесирал sub-query-то само еднаш, без разлика дали главното query враќа 1, 100 или 100,000 рекорди. Во следниве денови планирам да направам неколку теста па ќе ви ги презентирам резултатите.

Мое мислење е дека TimesTen најкорисна би била за трансакции кои процесираат малку податоци со помош на едноставни query-ја. Кешираните податоци би требало да бидат read-only или "речиси" read-only. Секој обид за кеширање на големи бази со висок степен на I/O активности би довел до намалување на перформансите.

TimesTen би можела да се користи како меѓу-ниво помеѓу базата и апликацискиот сервер. Со мала измена на апликацијата, некои query-ја би пристапувале кон TimesTen, а други кон главната Oracle база.

Сешуте ја истражувам TimesTen, ако дојдам до некои интересни заклучоци сигурно ќе ги објавам.

За оние кои сакат да ја пробаат, TimesTen може да се симне од овде.

За повеќе информации, можете да ја посетите официјалната страница на Oracle TimesTen.

Алатки без кои неможам...

2007-03-18T01:47:00.001+01:00

Алатки без кои неможам да си го замислам работниот ден:

Cygwin ја користам кога работам на оддалечени UNIX-базирани сервери. (Solaris, AIX, Red Hat Linux)

PowerTerm ја користам како terminal server емулатор за работа со оддалечени OpenVMS сервери.

VNC ја користам како terminal server емулатор за работа со оддалечени Windows сервери и десктоп компјутери.

Telnet, денот ми почнува и завршува со Telnet.

PL/SQL Developer, ја користев уште во Македонија како алатка за развој на PL/SQL код.

SQL Developer ја користам за истата намена како и PL/SQL Developer. Оваа алатка е продукт на Oracle и е бесплатна. Плус ми се допаѓа работната околина е фактот дека е независна од системската платформа. Мислам дека е малку пофлексибилна од PL/SQL Developer.

Oracle Enterprise Manager - Grid Control, за контрола и администрација на Oracle базите.

SQL*Plus, ништо неможе да се спореди со слободата да се конектирате од било кој оперативен систем на било која база (нормално ако имате валидна мрежна конекција до серверот каде што се наоѓа базата)

iSQL*Plus, малку покомплицирана Web варијанта на SQL*Plus, ми дава можност да се конектирам на било која база од било кој компјутер кој има пристап до интернет и нормално некаков пребарувач.

Среќен Pi-ден !!!

2007-03-14T05:58:00.000+01:00

После подолг период еве ме повторно. Не кренав раце од блогосверата, едноставно некои активности имаа многу поголем приоритет и неможеа да бидат запоставени, така да ми остануваше многу малку слободно време. Морам да признаам дека понекогаш не помислував да го уклучам компјутерот (дома) дури неколку дена.

Инсталирањето на неопходните "закрпи" за што побезбедна имплементација на 2007 Daylight Saving Time беше една од поважните активности кои ги работев на работа. Помина фамозниот 11 Март, сега за сега се е во ред.
Поради оваа промена моментално, Чикаго е 6 часа зад Скопје (нормалната разлика е 7 часа) и тоа ќе потрае до 1 Април кога се ќе си дојде на свое.

Неодамна го посетив New York. Тоа беше моја прва посета на овој фантастичен град. Гужва, уличен хот дог, Central Park ќе ми останат во сеќавање.

Да се вратам во реалноста. Вчера добив mail од Sun Microsistems ме канат да учествувам во тестирањето на GlassFish V2 Beta. Добро, mail-ot не беше специјално до мене туку до Firstname и започнува со Dear [Firstname]...
Сега одма се прашувам, дали пораката ја генерирале во GlassFish работна околина?! :-)
Во mail-от понатаму се нагласува дека четворица учесници, чиј придонес ќе биде оценет како најдобар, може да добијат Apple iPod Nano со 2GB меморија. Всушност учесниците ќе го оценуваат продуктот, читај тестираат.
Ако е од Sun, МАЛКУ Е!!! Плус е ограничен на државите од кои доаѓаат учесниците. За жал ја нема Македонија.

Среќен Pi-ден

За крај сакам да ве прашам дали знаете дека денес е Денот на бројот Pi?
Имено, овој ден е прифатен како официјален празник на математичката константа Pi.
Се празнува во Математичките оддели кои се дел од образовните и научно истражувачките центри.
Математичарите го празнуваат на најразлични начини, еве некои од поинтересните:

Конвертирање ги работите во Pi

На пример за 12 часот велат Pi/2

Ако некој има 31 година, велат дека е стар 10pi години. Кога е вашиот следен Pi роденден?

Јадење храна која почнува на Pi: пица, пита, ...

Еве неколку адреси кон интернет страници кои имаат интересни информации поврзани со денешниот ден:
PiDay.org
Како да го прославите Pi-денот.
Активности за Pi-денот
Доказ дека 22/7&>Pi
СРЕЌЕН Pi ДЕН !!!

Но, денес не е само значаен за бројот Pi. На 14 Март 1879 година е роден Алберт Ајнштајн (1879-1955)

Значи навистина посебен ден!!!

Mr.Brain

2006-12-13T06:43:00.000+01:00

Reading, after a certain age, diverts the mind too much from its creative pursuits. Any man who reads too much and uses his own brain too little falls into lazy habits of thinking. - Albert Einstein

Од една страна и не е толку лошо да патуваш секој ден од дома до работа и назад по еден час во еден правец. Всушност, додека се возам во CTA воз секогаш читам нешто, најчесто стручна литература со која си го обновувам знаењето или го повторувам веќе стекнатото по пат на само-тестирање. Има денови и кога не ми се чита ... тогаш решавам SUDOKU.

SUDOKU е страшно заразна лигичка игра, идеална за "квалитетно" трошење на слободно време. Има неколку нивоа на тежина и има многу едноставни правила на играње. SUDOKU е игра која те тера да размислуваш Outside of the Box. SUDOKU е моментално најпопуларна игра која се игра по возови, по чекалници, во аеродромски терминали ... Издадени се многу книги со SUDOKU сложувалки.

6,670,903,752,021,072,936,960 е конечниот број на можни комбинации на SUDOKU матрицата. До тој број дошле Bertram Felgenhauer and Frazer Jarvis.

Јас најчесто го користам http://www.websudoku.com/ за да си испечатам SUDOKU сложувалка која ќе ја решавам во наредниот ден.

Дали сум Freak или само сакам да си го тренирам мојот мозок?

Една доста интересна статија до која дојдов преку некој блог, во која се опишуваат 22 начини да го оверклокуваш твојот мозок.

Во статијата се употребени резултати од најразлични истражувања.

Како 8-ми начин е наведена потребата од решавање на сложувалки (во групата на сложувалки ги опфаќам и крстозборите) ... Решавајќи ги нив, во слободно време, е добар начин да го активирате вашиот мозок и да го одржувате во добра кондиција.

Како 10-ти начин се навидува потребата од Подобрување на веќе стекнатите знаења ... и овде се препознав себеси ...

Значи сепак тоа што го правам додека се возам во воз е ништо друго туку интуитивна потреба од тренинг на мојот мозок.

И повторно Ајнштајн
The only real valuable thing is intuition.

Дали Вие го тренирате Вашиот мозок?!

1.01MB/s

2006-11-26T16:01:00.000+01:00

Најмногу до сега ...

Син екран, жолти букви и OpenVMS - Идила :-)

2006-11-03T05:32:00.000+01:00

OpenVMS, е последниот оперативен систем кој што морав да го научам, и тоа за многу кратко.
Добро, морам да признаам дека не го познавам толку за да можам да се фалам со тоа.
Син екран, жолти букви, идила :-) VAX едиторот е приказна сама за себе.

cd disk$oradata4:[tekic.oracle]

ќе ме однесе до директориумот oracle кој е дел од профилот tekic и се наоѓа на дискот oradata4.

Ако сакам да пребарувам некој фајл кој се наоѓа во профилот tekic, тогаш ја користам следнава команда

dir disk$oradata4:[tekic...]ime na datotekata

ако сакам да отидам до директориумот admin кој се наоѓа во disk$oradata4:[tekic.oracle] тогаш тоа ќе го направам со следната команда

cd disk$oradata4:[tekic.oracle.admin] или ако веќе сум во disk$oradata4:[tekic.oracle] тогаш со cd [.admin]

ако сакам да се вратам едно ниво подолу, тогаш

cd [-]

Загради, загради и само загради и секогаш, речиси секогаш да се наведува комплетната патека...

Моментално базите кои ги администрирам се распоредени на неколку оперативни системи: Sun Solaris, AIX, RedHat Linux, Alpha OpenVMS и Windows (Овој последниов го ставив намерно на крај :-)).

Но сепак, не се жалам, интересно е :-)

Ако ви треба некаков help или совете, повелете, несебично ќе го поделам своето знаење со Вас (барем тоа што јас го имам апсорбирано).

Неколку корисни OpenVMS линкови:
OpenVMS Community Portal
HP OpenVMS Technical Journal
Documentation

Еве ме пак :-)

2006-10-28T20:57:00.000+02:00

Прво едно ГОЛЕМО извинување на сите оние кои понекогаш навраќаа и чекаа пост од мене.
Искрено, во последниот период, поради обврски, немав многу време за блогирање, но еве од сега повторно ќе се обидам да фатам ритам.
Малку ќе ја изменам содржината на блогот, така да покрај ИТ теми ќе опфатам и некои "други".
Ќе се потрудам почесто да го ажурирам мојот друг блог My Oracle World.

ОК, тука сум пак, поздрав до СИТЕ!!!

World Cup 2006 - Excel WorkSheet за полесно следење

2006-06-12T01:27:00.000+02:00

Почна ... :-) Досега немам испуштено натпревар, освен Полска vs. Еквадор кој го гледав како снимка.

Најдов еден многу интересен Excel документ, кој го користам за полесно да ги пратам резултатите и табелите. Документот може да го симнете од една страницата за обложување. Документот можете да го симнете од овде(Right Click + Save As).

За сега очекувани резултати. Мало изненадување претставува нерешениот резултат на Тринидад и Тобаго против Шведска.
Како и да е само што почна ... УЖИВАЈТЕ!

11:55 The Countdown Ends ... плус 1-ви роденден

2006-06-09T15:23:00.000+02:00

Денес е денот кој го чекам веќе подолго време. Денес е денот кога ќе почнам "културно" да си гледам фудбал. Културно поради тоа што светското првенство ќе биде пренесувано од страна ESPN, па на нема да морам да одам по разни пабови или кафани да гледам фудбал.

11:55 Eastern Time, тоа е моментот кој го чекам.
За кој ќе навивам? Ќе навивам за репрезентацијата на Србија и Црна Гора. Друг тим за кој би навивал е Чешка, САД (каде што живеам сега) и толку... Не сакам Бразил да го освои првенството, всушност ми се гади од некои од бразилските звезди.

Сепак мислам дека најглем фаворит да го освои првенството е токму Бразил (иако не сакам да стигнат до финале), Франција и Италија имаат одлични екипи, Аргентина има вонсериски играчи... Се друго освен освојување на пехарот од страна на овие тимови би било изненадување (за мене се разбира).

Разочарувањето ќе го барам во Англија и Холандија. Доста се надуени и едните и другите, а во последно време имаат големи осцилации во играта.
Шпанците, класика, тотален промашај на секое големо натпреварување.

Би сакал афричките земји да стигнат далеку. Брегот на Слоновата коска и Гана имаат одлични играчи и може да претставуваат пријатни изненадувања, ако воопшто може да се зборува за изненадување.

Се надевам дека дел од наредното големо натпреварување ќе биде и нашата репрезентација. Последните резултати ме прават поголем оптимист од било кога...НАПРЕД СРЕЌКО!

Инаку морам да кажам дека сум подготвен и психички и физички за овој настан. Еве денес ќе земам 2 саати пауза за ручек (мора да се гледа отварањето). Во наредниот месец секој работен ден ќе се разболувам на интервали :-) А викендите нема мрдање.

Утре во 7:30 часот сабајле, со мојот пријател ќе ја разгориме скарата и ќе се спремиме за денот што претстои.

Инаку во сенка на овој голем настан морам да споменам дека на 13 јуни се навршува една година од објавувањето на мојот прв пост на овој блог, така да тој ден претставува некаков роденден на блогот, па нека му е среќен. :-)...

Кога сум веќе кај спортските натпревари, морам да кажам дека Јуни ќе биде СТРАШЕН месец, месец каков не сум имал одамна. Покрај светското првенство во фудбал, оди и финалето на NBA. Вчера Dallas поведе против Miami со 1:0, но ништо не се знае. Мој пик е Miami.

Доста тропање ... 11:05 e, одам во Grevey's (Sports Bar во близина на мојата работа) на двочасовна ручек пауза.

ПОЗДРАВ ДО СИТЕ и Ви посакувам добра забава.

--Теко

Колку различни Linux дистрибуции постојат?

2006-06-02T21:50:00.000+02:00

Сурфајќи, налетав на интернет страницата на DistroWatch каде што најдов неколку интересни информации поврзани со Linux дистрибуциите.

Колку дистрибуции на Linux постојат?
Според последните податоци изнесени на интернет страницата на DistroWatch до денеска се познати околу 350 различни дистрибуции на оперативниот систем Linux.

Каде најмногу се развиваат Linux дистрибуциите?
Според DistroWatch најголем дел од дистрибуциите се иницирани во САД. Германија, Франција, Канада и Јапонија се исто така активни. Листата на земји по бројот на иницирани дистрибуции можете да ја најдете овде.

Колку Linux дистрибуциите се независни една од друга?
Најголем дел од дистирбуциите всушност е модифицирана верзија на Debian, Fedora, Red Hat. 129 дистрибуции се базирани на Debian, 63 на Fedora, 50 на Knoppix, 12 на Red Hat итн. Но има и такви кои се тотално независни као на пример SUSE и нивниот број досега изнесува 29. (повеќе)

Кои дистрибуции се најпопуларни?
Според DistroWatch најпопуларен е Ubuntu, следи SUSE, Fedora, Mandriva, MEPIS итн.(повеќе)

Кои дистрибуции се бесплатни?
Секогаш кога станува збор за слободен софтвер, веднаш подразбираме дека тој би требало да биде бесплатен. Но, не е секогаш така. На пример 30-тина дистрибуции не се бесплатни меѓу кои се наоѓаат Red Hat (бесплатни се само постарите или beta верзиите), SUSE (бесплатната верзија доаѓаа со неколку рестрикции), Novell (нема опција за бесплатно користење).(повеќе)

Готвењето е многу слично на програмирањето :-)

2006-05-19T04:47:00.000+02:00

Немојте после да кажете дека не сте знаеле! :-)

Само да кажам дека за вакви проекти јас(лично) преферирам outsourcing ... :-)

PS: Карикатурите се превземени од c0ders::Comic strip about programmers. Екстра се! :-)

АГОЛ #8

2006-05-17T00:28:00.000+02:00

Најновото издание (#8) на АГОЛ - Art and Culture eZine Ви ја нуди следнава содржина:

Од Агол
- Заложници

Сцена
- Џијан Емин - АГОЛ - Интервју

Литература
- Nick Cave - Тајниот живот на љубовната песна

Музика
- Neko Case - Интервју на Pitchforkmedia
- Calexico - Приказната за уништената градина

Стрип
- Chester Brown - Интервју на TIME.comix

Филм
- Bernardo Bertolucci - Магот на психолошкото дејство
- Anna Boden - Интервју на Ellen Mills

Галерија
- Brassai

Copy Paste ... :-)

2006-05-16T23:27:00.000+02:00

Сурфајќи по македонската блогосфера наидов на следните линкови:
694 милиони луѓе во светот користат интернет
Linux станува баговит

Оние кои што го читаат овој блог лесно ќе ја препознаат "автентичноста" со следниве постови објавени на SoftwareMK:
694 милиони луѓе во светот користат интернет
Linux станува баговит

Блогерот Kevin на неговиот блог Hack Live ги објавил овие постови.

Не... не се лутам таман работа, напротив, драго ми е што ги прочитал и му се допаднале па ги објавил кај него. Единствена замерка ми е што не објавил информација за авторот на текстовите и permanent link до истите

Неколку збора за АБАКУС ...

2006-05-12T03:55:00.000+02:00

Вчерашниот ден, 10 Мај бил Национален Абакус Ден во Јапонија. Пази, национален, неверувам дека бил неработен, ама сепак луѓето и одаваат почит на направата која била зачеток на технолошкиот бум кој допринел Јапонија, денес да биде тоа што е.

Малку историја

Самиот збор абакус има латинско потекло со грчки корени (abax или abakon) :-) и бе се превел како табла.

Таблата можела да биде од дрво, камен или метал со вовлечени жици или исцртани вертикални линии на кои се поставени камчиња. Манипулирајќи со камчињата, луѓето ги изведувале наједноставните аритметички операции како собирање, одземање, множење и делење. Во 1058 година Lee Kai-Chen го издава прирачникот за ракување со, како што тој го нарекол, "новиот" абакус. (линк до прирачникот)

Но, абакус не е најстариот уред за сметање. Најстарите направи за сметање се појавиле 500 години пред нашата ера, а најстариот зачуван примерок е Саламанската Табла која била користена од страна на вавилонците околу 300-та година пред новата ера. Примерокот на Саламанската Табла се чува во Националниот Музеј за Епиграфија во Атина.

И така со години луѓето ги употребувале направите за сметање, учеле од нив, сметале ...

Замислете во тоа време Customer Support ...

Корисник: Еј ми се заглавија камчињата на абакусот(читај:ми се блокира PCto)
HelpDesk: Дали проба да го треснеш од земја (читај: дали проба да го ресетираш)?
COOL А??? :-)

Или нешто како, колку камчиња имаш на абакусот (читај: Колку L2 cache имаш).

Интересно е што сите абакуси биле "лаптоп", т.е. мобилни сметачи, замислете сега наместо со лаптоп во кафетерија седите со абакус :-))))

Оние кои што сакаат да прочитаат нешто повеќе за Абакус, може да кликнат на следиот линк

Google working environment

2006-05-11T15:24:00.000+02:00

Сум слушнал дека да работиш за Google преставува вистинско уживање.
Тука нема да трошам многу зборови, се може да видите и слушнете од следниот клип.

Google Recruiting Video времетраење 7 минути и 21 секунда

Google 15 rule, Google 20% rule ... Навистина COOL ... кликајте одма!

PS:Видеото не е up to date

Linux станува баговит

2006-05-10T21:36:00.000+02:00

Дали Linux кернелот постанува премногу баговит? Ова прашаење и не би било толку сериозно ако не е иницирано од Andrew Morton, главниот инжењер за одржување на продукцискиот Linux kernel.
Имено, минатиот петок, за време на една дискусија во рамките на конференцијата LinuxTag која се одржа од 3 до 6 Мај во Wiesbaden Германија, Morton рекол дека верува дека 2.6 kernel полека станува баговит.

"I believe the 2.6 kernel is slowly getting buggier. It seems we're adding bugs at a higher rate than we're fixing them."

Исто така тој нагласил дека нема конкретни докази за ова, но загрижен е поради слабиот интерес на програмерите да пронаоѓаат и поправаат багови во кернелот.

One problem is that few developers are motivated to work on defects, Morton said. This is particularly a problem for bugs that affect old computers or peripherals, as kernel developers working for corporations don't tend to care about out-of-date hardware.

Целата статија можете да ја најдете овде

Но дали ова е сепак толку загрижувачко?

Linux фанатикот Steven J. Vaughan-Nichols вели дека ова не му е прв пат на Morton да изјави вакво нешто. Тоа се случило и минатата година за време на конференција Linux.conf.au 2005 одржана во Canberra, Австралија.

Vaughan-Nichols вели дека тоа што Morton го тврди е лично негово размислување и дека тој не презентирал никаков цврст доказ за тоа.

Повеќе за реакцијата на Vaughan-Nichols може да прочитате во неговата статија објавена на LinuxWatch.

Јас би рекол каде што има чад има и оган и дека овие изјави на Morton треба да се земат сериозно. Тоа е исто кога главниот инжењер за безбедно возење во Мерцедес би рекол: а бе мислам дека имаме многу проблеми со нашите возила, а никој не се труди да ги поправи.

Патувања, хотели, поени и round trip ticket to Macedonia

2006-05-09T06:44:00.000+02:00

Од моментот кога ја прифатив позицијата Database Architect ми стана јасно дека повеќе ќе престојувам во хотели отколку дома. На почеток ми беше малку тешко, пред се не бев навикнат на таквo темпо на работа, но како изминуваше времето видов дека во САД тоа е нешто најнормално.

Всушност сите мои колеги со кои што работам се консултанти од BearingPoint, Sun Microsystems, Oracle, BEA.

Сите тие се далеку од дома...

Од денес тимот во кој што работам е поголем за два нови консултанти од Oracle. Дечките се супер и секој со себе носи некое ново знаење кое што го дели со останатите, всушност секој ден совладувам нови знаења, секој разговор може да донесе нешто ново.

Најчесто моите службени патувања траат цела работна недела, од понеделник до петок. Кога сте на службено патување, лесно може да заклучите дека ноќта пред да си одите дома е најубава. Еднаш од еден колега слушнав дека тој ја сака таа ноќ најмногу и дека тогаш сака да испие неколку чаши вино и да јаде некој посебен специјалитет кој го немал пробано дотогаш. Друг вели дека ноќта пред да си оди дома сака да долго да пешачи околу хотелот каде што престојува...

Јас таа ноќ се пакувам и одам со колегите во бар.

Петок ... дома. Петок го сакам најмногу :-)

Нешто лично: Преферирам да летам со United, а да престојувам во Marriott. Спореден "позитивен" ефект од патувањата е набивањето милјажа и поени за кои може да добијам доста вредни награди ... уште малку ми фали за round-trip ticket to Macedonia :-) ... кој ти дава? :-)

Еве две фотки кои ги направив денес кога полетав од Чикаго спрема Вашингтон.

694 милиони луѓе во светот користат интернет

2006-05-07T17:42:00.000+02:00

Според истражувањето кое го направија ComScore Networks, над 694 милиони луѓе во светот користат интернет.

Од нив 152 милиони се од САД, 74.7 милиони се од Кина, 52 милиони се од Јапонија, итн.

Корисниците на интернет најмногу ги посетуваат пребарувачите меѓу кои на прво место е MSN, следуваат Google и Yahoo.

1 Maj ... Што беше тоа?!

2006-05-01T17:23:00.000+02:00

1 Мај ... Што беше тоа?

Денес дојдов на работа и повторно се зачудив зошто имам толку малку посети на блогот. Обично тоа се случува за викенди, ама за работни денови се собираат по 20 сетина посети дневно. Не е некоја цифра, али ОК е. Денес повторно само 5 посети (од сабајле), таман се изнервирав и решив да го баталам блогирањето ми текна дека денес е Први Мај, празник кој до лани го празнував во Македонија.

1 Мај денот на трудот, денот на работничката класа...Овој ден во Македонија е повеќе синоним за одење на излет, правење скара, пиење огромни количини алкохол кој се лади во блиските потоци (така ефектот е поголем).

Обично со екипата (другарите и другарките:-)) одевме на некое излетничко место блиску до Неготино. Во последно време тоа беше брегот на Вардар, всушност тоа беа нивите на брегот на Вардар :-) на кои се наоѓаше по некоја топола која ја користевме за сенка.

Тој ден го сакав поради тоа што е еден од ретките кога се собиравме сите другари ... и другарки (нормално). Инаку морам да кажам дека ние сме голема екипа 17-18 души, па помножено со 2, плус неколу екстра ... јеби га само на ливада, на свадба и на шанк (ама голем) можеме сите да се собереме :-).

Ај да продолжам со "мајот"...Обично таму Анѓелчо со тракторот ќе отидеше на 1 Мај да го обележи местото и да ја израмне тревата за да не губиме време за тие активности на втори :-).
На втори од сабајле земавме месо за скара, а да ...и обавезно сланина, за чистење на зарѓаните скари (некои неупотребени и неисчистени цела година)... пиење кој што сака да си земе, и правац Вардар.

Најубаво беше на почеток кога се загрева атмосферата. Женските, жените, пријателките ("секоја со различен статус") на почеток правеа салати, а ние ја загревавме атмосферата со ж'та "кочан" ладна.... Екстра...

Јас обично бев на скарата, обожавав да го вртам месото со пиво у раката и тепање "бош" муабет.

После ручек нормално фудбал, 20-30 под-заматени души бркаат топка која едвај се гледа скриена у травата, ама филинг а? ...

После фудбалот, обично, Ацо (Попот) ќе отидеше до Криволак и ќе донесеше една "клапа" естрадни уметници и ЖУРКААААА...

На крај ... крај??? нема крај никој не го памти крајот, следно што следува е ... се будиш на трети мамурен, главата ти е тапан.

Ах ... вака ќе биде сигурно и утре, само овој пат екипата ќе биде помала за двајца. Пецо е во Њу Џерси, јас сум во Чикаго ... ааа да 2 x 2 = 4 :-) .......

КОЛКУ САКАМ ДА СУМ ДОМА!!! :-)

Е сега вака гледано од страна .... Каков празник беше први Мај??? Ден на трудот? Жалосно но вистинито, кој труд?

Колку сме ја загадувале околината со ѓубре, смет, некој да не чистел после нас ?!... хаха.... али филинг човече, филинг.... ај да не забегувам.

1 Мај во Чикаго.
- Јас сум на работа
- илигалните имигранти организираат масовен марш во downtown
- Врне дожд, нема шанси да отидиме некаде после работа
- Први Мај ... што беше тоа???

Можам да замислам што ќе се случи со американската економија ако истата не функционира 2-3 дена ... инаку и во америка постои Ден на трудот кој се празнува на првиот понеделник во Септември (линк). Оваа година Денот на трудот е на 4ти Септември.

SQL Developer - бесплатна развојна алатка од Oracle

2006-04-30T18:12:00.000+02:00

Го имам најновото издание на Oracle Magazine May/June 2006 и во него статија која можам да ја издвојам е Oracle SQL Developer Soars во која се разгледува најновиот продукт на Oracle наменет за програмерите наречен SQL Developer.

SQL Developer претходно познат како проектот Raptor го следам од неговите први бета верзии. Се работи за алатка која им овозможува на програмерите полесно креирање, тестирање, оптимизирање и анализа на нивните SQL query-ја, PL/SQL код, администрирање на DB објекти (табели, индекси, функции, процедури, итн), дебагирање на PL/SQL код и многу други активности.

Всушност се работи за алатка која по својата функционалност и примена е многу слична на TOAD или PL/SQD Developer, но за разлика од нив оваа алатка е бесплатна.

На прв поглед впечатлива е графичката работна околина која многу наликува на работната околина на JDeveloper, па најверојатно ќе им се добадне на сите оние Java програмери кои го користат JDeveloper како развојна алатка.

Имам впечаток дека ги има наследено функционалните особини на TOAD (пример F9-Execute QUery). За разлика од PL/SQL Developer во еден работен прозорец може да се користат повеќе конекции, што секако е позитивна работа.

Но, сепак забележав некои багови кои веќе ги репортирав а се однесуваат на следново:

Проблем 1
Во десниот горен агол има опција да се смени активната база со друга база за некој конкретен процес на кој што вие работите. На пример ако сакате да ја анализирате работата на едно query над повеќе бази, се што треба да направите е да го смените активната конекција со таа на која што сакате да тестирате.
Е сега тука е проблемот, кога ќе ја смените конекцијата, истата ќе се смени на сите активни worksheet-ови кои ги имате отворено. Замилсете да имате отворено 10 работни прозорци со 3 различни конекции, после промената на конекцијата сите ќе ја добијат новата конекција со што вие може да изгубите траг на работата која што сте ја работеле дотогаш.

Проблем 2
Креирав неколку линка кон други бази на податоци, но линковите не се покажаа дека постојат во дрвото на објекти.

Овие проблеми може се ситни проблеми, но сепак многу битни посебно за работата на некој програмер, дизајнер или аналитичар.

Секако дека во првата верзија на секој продукт се појавуваат многу багови, што е случај и со SQL Developer, сепак овие багови не го променија моето мислење дека се работи за одлична алатка која меѓу другото е, да повторам пак, басплатна.

Јас ќе чекам да се поправат баговите, ќе продолжам да ја тестирам, а до тогаш ќе си го корситам PL/SQL Developer кој за сега ми врши најмногу работа.

SQL Developer може да работи на Windows, Linux/Unix, Mac OS X и може да го симнете од интернет страницата на Oracle (Линк).

Инсталацијата е многу едноставна, впрочем се што треба да направите е да ја симнете и распакувате содржината на инсталационите датотеки и ... толку... сепак може да се раководите и по упатството за инсталација.

Други корисни линкови:
PL/SQL Developer - линк
TOAD - линк

Yesterday: A DBA's backup song

2006-04-27T06:38:00.000+02:00

YESTERDAY (Пејте ја по нотите на познатата песна Yesterday - The Beatles)

Yesterday,
All those backups seemed a waste of pay
Now my database has gone away
Oh I believe in yesterday

Suddenly,
There's not half the files there used to be
And there's a deadline
hanging over me
The system crashed so suddenly.

I pushed something wrong
What it was I could not say
Now my data's gone
and I long for yesterday-ay-ay-ay.

Yesterday,
The need for back-ups seemed so far away.
Thought all my data was here to stay,
Now I believe in yesterday.

Не ја измислив јас, таман работа, ја најдов на Oracle FAQ: Fun Stuff.

И уште нешто кое верувам на сите Oracle програмери и администратори им е многу познато:

Q. What if your Dad loses his car keys?
A. 'Parent keys not found!'

Q. What if your old girl friend spots you with your new one?
A. 'Duplicate value on index!'

Q. What if the golf ball doesn't get into the hole at all?
A. 'Value larger than specified precision!'

Q. What if you try to freak out with somebody else's girlfriend and being kicked out?
A. 'Insufficient privileges on the specified object!'

Q. What if you don't get any response from the girl next door?
A. 'No data found!' or ' Query caused no rows retrieved!'

Q. What if you get response from the girl next door and her Mom too?
A. 'SELECT INTO returns too many rows!'

Q. What if you dial a wrong number?
A. 'Invalid number' or ' Object doesn't exist!'

Q. What if you try to beat your own trumpet?
A. 'Object is found mutating!'

Q. What if you are too late to office and the boss catches you?
A. 'Discrete transaction failed!'

Q. What if you see 'theatre full' when you go to a movie?
A. 'Maximum number of users exceeded!'

Q. What if you don't get table in the lunch room?
A. 'System out of tablespace!'

Q. What if you need to go on a diet?
A. Invalid Body Size

Анализирајте ја посетеноста на вашиот блог со StatCounter

2006-04-25T23:54:00.000+02:00

Постојат многу бројачи на страници кои воедно нудат и статистички информации за вашата веб страница. Некои од нив се trial, некои се бесплатни.

Денес го поставив StatCounter доста интересен бројач кој нуди добри статистички информации. Бесплатен е за лог кој опфаќа до 100 корисници, што значи сите резултати кои ги добивате се базирани на последните 100 лог корисници.

Одличен е вреди да се проба. Еве неколку информации кои ги добив за овој блог користејќи го StatCounter (за повеќе овде).

Баба Зумбула вечерва во Вашингтон

2006-04-25T19:41:00.000+02:00

Оваа недела сум на службено патување во Вашингтон и обично навечер си седам во хотел или со колегите одиме во блиските барови, но вечерва нема да биде така.
На распоредот на Filmfest DC е македонскиот филм Балкан Кан на Дарко Митревски.
Иако го имам гледано, вечерва ќе го гледам пак. Ќе бидам горд ... :-))))

Инаку пријатно се изненадив пред неколку дена кога на полиците во Blockbuster во моето маало го најдов Големата Вода.
Нормално го зедов да го гледам, но не ми остави некој силен впечаток, очекував многу повеќе од една политичка приказна.

Блесок #47

2006-04-21T16:17:00.000+02:00

Денес добив e-mail порака со следнава содржина:

Почитувани,

Имаме чест и задоволство да ве известиме дека
47-то издание на „Блесок - литература и други уметности“
е достапно за посети на http://www.blesok.com.mk
(на македонски и на англиски)

Во ова издание:
поезија: Јовица Ивановски, Фиона Сампсон, Елизабета Дракуловска
проза: Томас Шапкот
есеи: Алеш Дебељак
критика: Роберт Мјуреј Дејвис
галерија: Исмет Рамиќевиќ, Бојан Симовски
галерија осврти: Љубен Пауноски
звук: Фолтин, Little Walter, The Boogiemen, Bob Halperin, Monster Mike Welch
звук осврти и интервјуа: Љупчо Јолевски, Васја Ивановски
театар: Јелена Лужина

Ве молиме, препратете ја пораката на сите оние
за коишто мислите дека би биле заинтересирани.
Ви благодариме!

***
Ова е мојот придонес кон популаризација на овој арт е-магазин.
Не заборавајте да го погледнете и најновото издание на АГОЛ - Art and Culture eZine.

Непознат тројанец!!!

2006-04-19T17:57:00.000+02:00

Не кликајте на чудни линкови ако ги добиете на MSN од некој кој го имате на контакт листа. Еве зошто :-)

Влатко says:
look at this
Влатко says:
http://www.dommesites.com/images/members/browse.php?id=melissa.gif
Mihajlo says:
what is this?
Mihajlo says:
is this some kind of virus
Mihajlo says:
hello there?!?!?!?!
Mihajlo says:
probably it is one very baaad virus, right?
Mihajlo says:
ej tamu li si?
Mihajlo says:
momce mlado?
Влатко says:
eeej druze be
Влатко says:
kako e?
Mihajlo says:
so bese toa so mi go prati pregeska?
Mihajlo says:
ti mi go prati ili e virus?
Влатко says:
abe ne klikaj
Влатко says:
nekoj trojanec
Влатко says:
se rasiri nabrzina
Mihajlo says:
e pa kliknav ebate
Mihajlo says:
ajdeeee
Влатко says:
i praka na site kontakti
Mihajlo says:
da ne e kaj mene sega
Влатко says:
pusti mu antivisus na toa tvoeto masince

Norton ми вика дека не сум позитивен ... супер ... уххххх :-)

**** U P D A T E ****

Влатко го најде тројанецот. Се работи за fuckin W32.Kelvir.JJ.

W32.Kelvir.JJ is a worm that attempts to spread through MSN Messenger.

Also Known As: WORM_KELVIR.CY [Trend Micro]
Type: Worm
Infection Length: 26,624 bytes
Systems Affected: Windows 2000, Windows 95, Windows 98, Windows Me, Windows NT, Windows Server 2003, Windows XP

Technical Details

Тhanks Влатко !!! :-)

****

Малку историја ... FORTRAN и LISP

2006-04-19T16:27:00.000+02:00

На 19 Април 1957, година тимот на Herbert Bright, раководител на АОП центарот на Westinghouse во Pittsburgh ја искомпајлирал првата Fortran ("FORmula TRANslator" ) програма.

Интересно е тоа што во истиот момент компајлерот ја јавил и првата грешка "Comma missing in computed GO TO statement.". Единаесет години подоцна, односно во 1968 година, Edsger Dijkstra еден од најголемите противници на програмирање без математички доказ на коректност, изјавил дека GOTO наредбите се штетни и продолжил со своето пропагирање на дисциплинирано програмирање.

Kомпјалерот бил направен од John Backus и неговите колеги од IBM, кои го развивале 7 години и потоа им го испорачале на Westinghouse.

FORTRAN(1957)

DIMENSIØN A(11)
READ A
2 DØ 3,8,11 J=1,11
3 I=11-J
Y=SQRT(ABS(A(I+1)))+5*A(I+1)**3
IF (400>=Y) 8,4
4 PRINT I,999.
GØTØ 2
8 PRINT I,Y
11 STØP

Интересен е податокот дека до 1959 година постоеле 200 различни програмски јазици.

Од настаните кои што се случиле оваа недела, но пред многу години ќе го издвојам и издавањето на првата верзија на програмскиот јазик LISP на 16 Април 1959 година.

Тоа е еден од програмските јазици кои се употребуваат во лабораториите за Вештачка Интелегенција. Креиран е од John McCarthy во тоа време им нудел голема флексибилност на програмерите. LISP сеуште се користи во AI (Artificial Intelligencе) развојните околини.

LISP сеуште живее преку своите современи верзии. CLISP е вграден во неколку Linux дистрибуции.

За разлика од FORTRAN, LISP го изучував на факултет и морам да кажам дека е фантастичен програмски јазик кој ми остави силен впечаток. Имам изработено игра "линеарно домино" која е комплетно направена во LISP. Искрено, морам да кажам дека незнам каде ми е кодот од истата, а баш би сакал да го најдам.

За сите оние кои сакаат да научат нешто повеќе за LISP еве линк од книгата Practical Common Lisp .

blog.com.mk или blogger.com

2006-04-15T16:11:00.000+02:00

Колку што може да забележам многу македонски блогери отвориле блог на blog.com.mk и својата активност ја продолжуваат таму.

Јас останувам верен на blogger!!!

Драги блогери и блогерки, ако вашиот стар блог се наоѓа во мојот блогорол и истиот повеќе не го користите (а немате ставено редирекција), ве молам известете ме за да го сменам линкот.

Kaspersky Anti-Virus Mobile 2.0 ... добиjте го бесплатно

2006-04-15T15:47:00.000+02:00

Kaspersky Labs. издаде бета верзија на својот популрен анти-вирус пакет наменета за безжични уреди кои користат Symbian оперативен систем. Новиот нивни продукт е наречен Kaspersky Anti-Virus Mobile 2.0.

Софтверот може да биде симнат или надграден преку WAP или HTTP протокол.

Компатибилен е со оние безжични уреди кои користат Symbian 6.1, 7.0, 8.0 или 8.1 OS и Series60 кориснички интерфејс.

Досега продуктот е тестиран на следниве уреди:

Nokia: 3230, 3600, 3620, 3650, 3660, 6260, 6600, 6620, 6630, 6670, 6680, 6681, 6682, N70, N90, 7610, 7650, N-Gage, NGage-QD.
Lenovo: P930.
Panasonic: x700, x800.
Samsung: SGH D720, SGH D730.
Sendo: X.
Siemens: SX1.

Следната бета верзија ќе може да се користи на уреди кои користат Symbian Series UIQ и Microsoft Windows Mobile 2003 и 5.0.

Сите оние кои сакаат да ја тестираат првата бета верзија, истата може да ја симнат од интернет страницата на Kaspersky.

Според представниците на Kaspersky, активните учесници во бета тестирањето ќе може да ја добијат првата комерцијална верзија на Kaspersky Anti-Virus Mobile бесплатно.

ГНУ/Линукс Инсталационен Фестивал 2006

2006-04-12T01:16:00.000+02:00

Слободен софтвер Македонија, организира пролетен Инсталационен фестивал.

Инсталфест e собир за инсталирање софтвер. На овој Инсталфест, ќе Ви помогнеме да инсталирате ГНУ/Линукс на вашиот компјутер. Ако пак не сте заинтересирани да инсталирате ГНУ/Линукс, можете да дојдете и само да се информирате. Или можете да донесете систем со веќе инсталиран ГНУ/Линукс кој ви прави проблеми – ние ќе ви помогнеме да го средите.

Burn Fest е помалото братче на Инсталфестот. Ако сакате сами да си го средите компјутерот, тогаш можете да дојдете со празни дискови и да ги снимите најновите ГНУ/Линукс дистрибуции. Видете ја листата на дистрибуции кои ги имаме.

Проширете ја веста преку пост на темава.

1st Southeastern Europe Broadband Conference 2006

2006-04-11T23:53:00.000+02:00

Заменикот на специјалниот координатор на пактот за стабилност на југоисточна Европа, Мајкл Мозур изјавил дека приватниот сектор мора да биде лидер во електронското работење (е-Бизнис) како би се видела вистинската корист од користењето на "broadband" комуникации. Исто така тој додал дека развојот на електронскиот бизнис би бил пресуден за сузбивање на големата корупција на царинските служби во регионот.

Оваа изјава Мозур ја дал за време на првата регионална конференција за современи информатички технологии која започна во Белград на 10 април и ќе трае до 12 Април (извор B92)

Како заклучок од конференцијата произлегла констатацијата дека земјите во регионот треба да го потикнуваат електронскиот бизнис и користењето на интернетот, бидејќи со тоа се намалувала невработеноста и корупцијата.

Повеќе за конференцијата можете да најдете на нивната интернет страница 1st Southeastern Europe Broadband Conference 2006

Колку што можам да забележам од листата на учесниците Македонија е застапена преку Macedonia Connects

Не контам!!!: бие гол за 3 бода и за одржавање предност са Вардара

2006-04-10T22:49:00.000+02:00

Текстот кој што може да го прочитате го најдов на интернет страницата на Македонски Спорт. Појма немам зошто е поставен со лош српски превод? Зошто е и преведен на српски, тоа па ич незнам?

Еве ви линк до истата страница. (Текстот го вметнав овде поради тоа што утре можеби страницата нема да им работи :-))

Смеје се бараж за Силекс и Брегалници
На 8 кола до краја сезоне екипе Силекс и Брегалница имају мале надсе да се изборе за опстанак у лиги а притим да не играју бараж мечеве са екипе из друге лиге Македонија. Силекс је поражен у Скопљу од лидера Работнички (играли су Пејчич и Михајлович) кои у досадни меч савладала тима тренера Јосипа Пирмајера. Трајчев је погодиу у 6 минуту и то је бие гол за 3 бода и за одржавање предност са Вардара у битки за титули на +8 бодова.

Вардар је очекивано победио "братску" Цементару која након ово кола речиси и нема шансе за опстанак и лиги.

Други тим након Силекс кои се смеје бараж је штипска Брегалница која је стигла на корак до финала Купа Македонија но јуче је поражена и Кичево. Влазрими је славио са 1:0 и дошао до бодове кое дају наде да овај тим осигура опстанак у регулартни тек сезони.

Сви екипе које долазе из албанске делове Македонија у овоим 25 коло дошли су до позитивне резултате. Ренова је приредила сензациу одиграјучи 0:0 код "лавове" кои их предводи тренер Иванчевич. Македонија губи корак са Варадром и битку за друго место и Куп УЕФА.

Победа је на домачем терени са оба гола Крстева дошла до преокрет након што је отписана Беласица повела са 0:1.

И. Д. Ивановски

Ова е нешто во стилот на Сообраќајката во Прилеп ... не контам!!! дали е оваа некоја мода или се работи за новинари кои покрај политика и избори сакаат да пишуваат и за спорт.

:-))))))))))))))

P.S. Пробав да ги подвлечам интересните реченици, ама не бива, све треба да се подвлече, па ги тргнав линиите :-)))) Ме интересира дали е така објавен и во печатеното издание на весникот!!!

********
Ова личи на она во стилот:
- Имате ли можда једну карту за у Кину?
- Па госпоѓо ово није Туристичка агенција ово је биоскоп

:-))))))))))))

Подршка за блогот на Јани!

2006-04-10T18:24:00.000+02:00

Претседателот на Комисијата за Информатичка Технологија (КИТ), Јани Макрадули од неодамна има свој блог. Блогот Наша Шанса стварно го разбирам како шанса да се разменуваат мислења, коментари и дискусии поврзани за ИТ теми во Македонија и за проблемите со кои се соочува македонската е-заедница.

Храбар потег и секоја чест!... За жал голем дел од коментарите кои ги оставаат читателоте на блогот имаат политичка позадина со што воопшто не придонесуваат да се развијат квалитетни дискусии.

Му посакувам добредојде на Јани во македонската блогосфера и посакувам да продолжи понатаму.

Do you have my stapler?

2006-04-07T17:17:00.000+02:00

Сте го гледале ли филмот Office Space? Знам дека сега има втор дел, ама јас го имам гледано само првиот и во него имаше еден лик кој се викаше Милтон (ете го на сликата). Типот беше преплашен, делуваше збунето и секое приближување на некој негов менаџер предизвикуваше земјотрес во неговото тело. Не ми се веруваше дека такви ликови воопшто постојат, но постојат и тоа многу. Тоа се всушност луѓе во години, кои плашејќи се да не го изгубат своето место се подготвени на секакви отстапки.

Немојте да мислите да останете програмери цел живот ако не сакате да изгледате како Милтон. Усовршувајте се, совладајте ја секоја нова технологија која е прилично иста со таа што ја знаете сега.

Архитект, Дизајнер, Проект Менаџер, Тим лидер, тоа се профилите во кои треба да се пресликате со тек на време, во спротивно ќе дојде некое детиште со 20-тина години кое од својата 3 година штрака на тастатурата и ... нормално дека ќе треба да барате нова работа ... нова работа на 50 години.

Заштита на податоци во Oracle 10.2.0

2006-04-06T19:10:00.000+02:00

Прво да се извинам што ме немаше толку време, но од професионалните обврски коои ги имав последниве две недели бев спречен да постирам на блогот.

Последниве две недели бев преокупиран со евалуација на неколку техники кои ги нуди Oracle за синхронизација на две бази, како и за енкрипција на податоците во една база.

Сега ќе напишам неколку збора за енкрипцијата на податоци во Oracle 10g Release 2.

Знаеме што значи заштита на податоци и секојдневно читаме и слушаме како на некоја банка и го пробиле системот, па хакерите дошле до броевите на кредитните картички на клиентите на банката.

Во САД постои регулатива која налага сите осетливи персонални податоци бидат енкриптирани.

За енкрипција на податоците Oracle нуди две можности:
1. DBMS_CRYPTO package
2. Transparent Data Replication (TDE)

Во суштина и двете техники се исти, и двете техники како краен резултат нудат енкриптиран податок.

DBMS_CRYPTO

DBMS_CRYPTO пакетот е тригер-ориентиран, што значи дека треба да постојат тригери кои ќе го енкриптираат текстот. Тоа и не е толку страшно да се изведе, но проблемите доаѓаат во делот на декрипција на податоците во случај да се имплементира пакетот во веќе готов продукт. За декрипција треба да се користат функции или процедури, но притоа треба да ги промените сите query-ја во кои што се користи енкриптираното поле. Ова може и да се изведе некако, но што ако после еден месец треба да енкриптирате ново поле? Тогаш треба повторно да ги најдете и модифицирате сите query-ја кои го содржат тоа поле.

Друг битен недостаток е тоа што DBMS_CRYPTO пакетот клучевите за енкрипција и декрипција ги чува во базата, па во случај на пробивање на базата хакерите може да ги најдат истите.

TDE

TDE е дел од Oracle Advanced Security пакетот.

За разлика од DBMS_CRYPTO, TDE клучевите за енкрипција и декрипција ги содржи во таканаречен wallet кој се наоѓа на локација надвор од базата. Привилегија да го администрираат wallet-от имаат само специјални SYSDBA корисници.

Друга голема предност на TDE во однос на DBMS_CRYPTO е тоа што Oracle користи вградени тригери за енкрипција и автоматски ги декриптира податоците. Значи нема потреба од тригери, функции, промена на код, се што треба да направите е да го сетирате wallet-от и да ги означите колоните кои сакате да бидат енкриптирани.

alter table име_на_табелата
modify име_на_колоната податочен_тип ENCRYPT

Голем недостаток на TDE е тоа што нема подршка за синхронизиран пренос на подтоци од една база кон друга, односно реплицакција. Проблемот е во тоа што LogMiner неможе, барем не засега, да препознае енкриптиран текст. Oracle Streams, Oracle Change Data Capture (CDC), Oracle Data Guard (Logical Standby), и многу други техники се базирани на LogMiner. Кога се работи за пренос на податоци TDE има подршка за Oracle Data Guard (Physical Standby), што значи ако како Disaster Recovery решение користите Data Guard (Physical Standby), нема да имате проблем. Исто така TDE има подршка за Oracle Data Pump, за експорт и импорт на податоци.

Во разговор со колегите од Oracle Corp. добивме информација дека многу компании бараат Oracle да овозможи подршка на TDE за претходно наведените продукти, и дека тие работат на тоа. Очекувањата на Oracle се подршката да биде вклучена во новата верзија 11 која очекуваат да излезе кон крајот на 2006 и почетокот на 2007 година.

И двете опции може да ги користат најпознатите алгоритми за енкрипција AES, AES192, AES256, DES, и DES3.

Незнам колку во Македонија компаниите кои што нудат продукт кој користи Oracle база, ги користат овие технологии, но знам дека голем дел од проектите кои се изработуваат енкрипцијата на податоците ја вклучуваат во самиот код, односно имаат таканаречена Апликациски-базирана енкрипција, која за жал може да има катастрофални последици.

Мала пауза

2006-03-29T07:26:00.000+02:00

На сликата подолу е прикажан календарот од мојот Outlook. Со bold се одбележани деновите во кои имам состаноци со PMO-а (Project Management Officer). Таквите состаноци се прилично напорни и бараат посебна подготовка... да не должам многу, сакам да кажам дека оваа недела (до петок) нема да читате многу постови од мене поради тоа што баш и немам некое време да пишувам ... Дружба си е дружба ама служба си е служба :-)

The Tao of Oracle

2006-03-24T18:09:00.000+01:00

Таото на Oracle од Roby Sherman, а во него ...

VI.
The Oracle Masters have no mind of their own.
They are aware of the needs of others.
They are good to users who are good.
They are also good to users who are not good.
Because Virtue is goodness.
They have faith in servers that are faithful.
They also have faith in servers that are not faithful.
Because Virtue is faithfulness.
The Master is shy and humble - to the world he seems confusing.
Others look to him and listen.
He behaves like a little child.

Институтот за информатика (ПМФ) има нов дизајн на својот портал

2006-03-24T15:58:00.000+01:00

Институтот за информатика при Природно Математичкиот факултет има нов дизајн на својот портал. Голем број на информации за студентите, за самиот институт, за техничката опременост, листа на сите доктори на науки, магистри, дипломци, кои својата диплома ја добиле токму на овој институт. Овде се најдов и себе си.

Морам да признаам дека носталгијата ме тера одвреме навреме ја посетувам оваа интернет страница. Денес се изненадив кога го видов новиот дизајн. Има англиска и македонска верзија, можеби фали еден пребарувач за да биде олеснето барањето на содржините, но сепак како за почеток ми остави силен впечаток.

Сите оние кои планираат своите студии да ги продолжат на овој факултет може да го посетат овој линк. За студентите кои дипломирале или кои се пред дипломирање има берза на трудот, каде што меѓудругото има понуда за работа во Кореа (extra).

Историја на компјутерската наука

2006-03-23T07:37:00.000+01:00

Од денес па натаму ќе објавувам информации за настани поврзани со историјата на компјутерската наука, кои што се случиле на тековниот датум.

Информациите ќе бидат објавувани во левата колона на овој блог. До секоја информација ќе постои линк кој ќе води до поопширен пост на новиот блог Computer History (MKD).

Индија се соочува со недостиг на IT ресурси!

2006-03-20T16:30:00.000+01:00

Изгледа дека Индија се соочува со недостиг на инжењери. IBM минатата година вработил нови 16,000 работници, а планира да вработи уште 50,000. Но, проблемот е што во последно време инжењери се наоѓаат многу тешко иако индијските универзитети произведуваат по 400,000 високо образувани кадри секоја година.

Проекциите покажуваат дека Индија ќе се соочи со недостиг од 500,000 квалификувани ИТ работници во 2010.

Инаку, некои од индијците кои работат во САД се враќаат назад во Индија, се разбира дека таму ќе примаат амерички плати.

Во разговор со некои мои индијски колеги дознав дека просечна плата на ИТ инжењер во Индија е 11,000 американски долари.

Ако Индија повеќе неможе да одговори на потребите на индустриските гиганти за работна сила, тогаш која е следната дестинација? Кина, се разбира, но еден ден и Кина ќе се соочува со истиот проблем

Кога на пазарот има недостиг од работна сила, тогаш неминовно е зголемувањето на платите и бенефитите на вработените со цел да се задржат старите квалитетни ресурси, но и да се привлечат нови инжењери кои би работеле во компаниите.

Е сега тука има и друго нешто. Платите ќе се зголемуваат, но тие ќе се зголемуваат се додека на работодавците им се исплати својот бизнис да го држат во тие земји( на пример во Индија), потоа ќе најдат нова земја која ќе биде "Индија" на Индија. Проблемот ќе се јави кога луѓето ќе почнат да ги губат работните места. Ако американците се навикнати на тоа, поради тоа што така им функционирал системот од секогаш, што ќе се случи со останатите?

Што сум играл најмногу? Фудбалски менаџери...

2006-03-18T17:19:00.000+01:00

Нешто што многу ми недостига овде во САД е гледање европски фудбал, или како со американците обожаваат да го викаат Soccer. Нивниот фудбал се игра најмногу со помош на рацете, па секогаш кога се препираме со колегите што е фудбал и чија игра е поубава доаѓаме до еден заклучок!

Ние сме тотално различни во вкусовите за спортските игри.

Нив нашиот фудбал им бил неинтересен, чекале 90 минути да падне гол и бил страшно досаден. Што е досаден бре, а каков е нивниот? Се местат 5 минути за да потрчат 20 секунди и така 3-4 саати. Демек имало стратегија :-). Не велам дека не е интересен, ама неможе да се носи со нашиот, плус што наместо да навиваат и да створат атмосфера на стадионите, каде неретко има по 60,000 гледачи, тие јадат хот-дог, хамбургери, пијат пиво. Да, убаво е тоа, фамилијарна забава, супер, ама нема жар. :-)

Зошто го пишам ова?

Страшно ми се игра Championship Manager. Не сум многу по игрите, ама кога станува за оваа игра, тогаш се претварам во манијак :-).

Фантастична игра во секој поглед, ме држеше закован за компјутер по 10 дена, се додека не освојам се што може да се освои, па ми текнет да излезам од филмот "нај успешен менаџер" :-).

Инаку не е ова единствената игра која сум ја играл. Се почна со популарната Ultimate soccer Manager 2. DOS-mode игра, која не ти дава да дишеш. Беше тоа во 1996/97. Потоа излезе USM 98, па Premier Manager, Fifa football manager, за да на крај се заразам со сите можни верзии на Championship manager.

Со кој тимови сум играл?

Почнав со Manchester United, но најголем предизвик ми беше да земам тим од Conference лигата на Англија и со него да стигнам до Premiership :-)...е тоа беше страшно заразно, тогаш забораваш на јадење, на пиење на спиење.

Најголемо задоволство ми претставуваше кога во една од последните верзии на Championship manager го видов Partizan FC. Тоа е мојот тим. За Partizan навивам од кога знам за мене, едноставно ми беше задоволство да играм со него.

Пак забегувам ... доста е :-) ... ааа да друга игра која многу сум ја играл беше Civilization2 ... фантастична стратегија на Sid Mayers.

Дали сега играм игри? Не, немам време за тоа, ама страшно ми се гледа фудбал, а обично после тоа следи Championship Manager, па кој знае ...

Теко има нов дизајн на блогот! :-)

2006-03-17T07:07:00.000+01:00

Од денеска со нов дизајн.

Незнам дали Ви се допаѓа на Вас, но мене ми се допаѓа многу повеќе од тој што го имав претходно. Плус овој има 3 колони :-).

Не го направив јас, далеку од тоа :-) ... не ме бива за вакви работи.

Го превземав од Thur Broeders кој има еден куп бесплатни блог темплејти кои се компатибилни со blogger.

Типот е холанѓанец и живее во Ротердам, има доста интересни постови за тоа како да го средите дизајнот на вашиот блог, како од блог со две колони да создадете блог со три колони и ред други работи.

Ви фаќа ли око?! :-)

SourceForge.net најголема база на Open Source апликации. Ви ја претставувам Synergy.

2006-03-15T15:51:00.000+01:00

SourceForge.net е најголемиот светски портал каде што можат да се најдат Open Source апликации. Содржи околу 100,000 кои се бесплатни и може да се симнат.

За секој проект се води историја на измени, поправка на грешки, проблеми кои постоеле и постојат итн.

Порталот има околу еден милион регистрирани корисници.

Порталот е сопственост на OSTG, Inc. ("Open Source Technology Group").

Како интересна аппликација можам да ви ја препорачам Synergy.

Synergy е алатка која овозможува користење на еден глушец и тастатура помеѓу повеќе компјутери кои може да работат на различни оперативни системи. Нема потреба од дополнитен хардвер. Единствено што е потребно за да апликацијата работи е TCP/IP конекција.

Јас ја пробав и ми остави голем впечаток. Поврзав два лаптопи и беше ептен интересно. Глушецот и тастатурата ми беа врзани на едниот лаптоп. Кога со глушецот ќе дојдам до десниот крај на мониторот и ако пробам да го движам понатаму тој се префрла на другиот монитор, т.е. другиот лаптоп. Автоматски и тастатурата сега е активна на другиот лаптоп.

Но, тоа не е се. Покрај префрлањето на глушецот и тастатурата, двата лаптопи делеа исти clipboard, така да можев да направам Copy на датотеки од едниот и со Paste да ги префрлам на другиот.

Автор на апликацијата е Chris Schoeneman. Истата може да работи на сите 32 битни верзии на Windows(95/98/NT/2000/XP), сите POSIX (Linux/BSD/UNIX-like OSes) и Linux. Изработена е во програмскиот јазик C++

Synergy можете да ја симнете од оваа интернет страница. Повеќе информации за апликацијата можете да најдете овде.

Вреди да се проба.

Најди!Книга ... Overview

2006-03-14T06:38:00.000+01:00

Најди!Книга е најновиот сервис на пребарувачот Најди! кој ја имаше својата промоција на 9 Март 2006 (повеќе на интернет страницата на Метаморфозис).

Користејќи го овој сервис корисниците ќе може да пребаруваат по севкупната содржина на индексираните книги.

Сервисот не користи никаква база на податоци, туку пребарувањето го врши со помош на Swish-e.

Swish-e е брз и флексибилен open source систем за индексирање на интернет страници или датотеки. Идеален е за индексирање до еден милион документи. Го користи GNOME™ libxml2 парсерот и може да пребарува обичен текст, e-mail пораки, PDF, HTML, XML, Word документи или секоја друга датотека кој што може да се конвертира во XML или HTML.

Покрај Најди!Книга, Swish-e го користат и многу други сервиси.

Најголем дел книгите, кои се индексирани од пребарувачот Најди!Книга, се комплетни, така да корисниците имаат можаност да пребаруваат низ комплетните дела.

Причини за индексирање на само дел од книга (кај некои книги) се:

1. Неможноста на издавачот да ги најде сите делови од книгата;
2. Книгата е составена од делови на повеќе јазици (типично за уметнички монографии) па се индексира само македонскиот и/или англискиот текст;
3. Голем дел на книгата се состои од скениран текст;

Најди!Книга е одлична можност за презентација на научно истражувачки трудови.
Исто така Најди!Книга би значел можност за преставување на оние автори кои од било кои причини до сега го немаат објавено својот труд.

Според она што јас го забележав при тестирањето на Најди!Книга, можам да кажам дека пребарувањето работи одлично.

Еден недостаток, според мене, е ограничувањето за пребарување на фрази од зборови. Сепак ако пребарувањето се врши по сите зборови од фразата, најпрво се наоѓаат текстовите кои ги содржат сите зборови кои се зададени во клучот на пребарувањето.

Би било убаво за книгите кои што се најдени да постојат директни линкови каде што корисникот би можел да најде повеќе информации за истата. Сепак прашање е дали издавачот има креирано интернет страница за книгата за која што корисникот бара информации.

Друг недостаток би бил начинот на кој се прикажани резултатите.

Начинот на кој се прикажани резултатите би можел да биде малку подобрен од аспект на прегледност. Имено содржината на книгата е поделена на 20 дела. За секој дел се прикажани почетокот и крајот. Незнам колку ова е практично. Мене би ми било тешко, ако на пример ја имам книгата пред мене да ги наоѓам почетоците и краевите на деловите каде што се пронајдени клучните зборови. Поголема информација би ми била страницата во книгата каде што е најден зборот.

Според Петар Кајевски, авторот на овој сервис, името на книгата и издавачот се доволни да се најде книгата во Македонија. Сервисот може да се збогати со повеќе информации за книгата, но тоа не е од најголем приоритет во моментот. Моментално тој е фокусиран на барање нови дела кои би се индексирале во пребарувачот.

Како и да е верувам дека со поправање на овие недостатоци, сервисот би добил на квалитет.

Сепак Најди!Книга не е само продукт, тоа е пример за сервис со чија имплементација издавачите, библиотеките, книжарниците, образовните институции би добиле многу ...

Замислете вакви сервиси да користат библиотеките!

Би добиле е-Библиотека. Тоа е добро како за самите библиотеки, така и за читателите. На пример, фондот на книги на Универзитетската библиотека во Скопје би бил достапен на секој, без разлика на неговата местоположба.

Ваков проект би бил повеќе од корисен за факултетите. Замислете сите материјали за студирање на едно место, со можност за пребарување, со можност за користење на истите во секое време и на секое место.

Се надевам дека Најди!Книга ќе индексира многу книги, а бенефит од тоа ќе нема да имаат само издавачите, кои би им се приближиле на читателите, туку и самите читатели кои лесно би доаѓале до книги со посакуваната содржина.

* * * * * * *

После корекцијата која ја добив од Петар како коментар, текстот е модифициран.

Да не е смешно би било ...

2006-03-10T18:44:00.000+01:00

Е поради вакви работи планирам да креирам еден блог каде што ќе пишувам за теми кои не се поврзани со IT.

Ова е хаос, зарем нашите печатени медиуми немаат што друго да објават туку за СООБРАЌАЈКА ВО ПРИЛЕП - Судар на фиќо и опел, нема повредени.

Според првичните информации возачите брзо возеле за да стигнат навреме на работа и од невнимание се судриле.

Замислете си сега сите да почнат да пишуваат за сообраќајните несреќи кои што се случуваат во Македонија.

Мора да креирам нов блог, баш поради тоа што во овој несакам да пишам за глупости од ваков калибар :-)

CeBIT 2006: Македонија со два претставника

2006-03-10T07:45:00.000+01:00

Вчера започна овогодишниот CeBIT 2006. GoodBytes има презентирано повеќе информации за CeBIT 2006.

Според официјалните информации, Македонија на неофицијално најголемиот IT саем е претставена со две компании: Artisoft и Neocom.

Во агендата на Artisoft се предвидени следниве презентации:

Application software for Enterprise Resource Planning, ERP for mass producers

Application software for hotel reservations/motel reservations/boarding house reservations/camping site reservations

Development systems for portals, portal software

Software development systems for WWW, World Wide Web, Internet applications/Intranet applications

Business to Business B2B application service providers

Неоком ќе се престави со:

Complete solutions for document management, Document Management Solutions/DMS, small systems

Enterprise content management systems

Network consulting

System integration (information technology services)

За жал не постојат линкови до содржината на презентациите.

Им посакувам на Artisoft и Neocom успешно преставување на CeBIT 2006.

Не дека сакам да споредувам, но еве само како информација со колку фирми на CeBIT 2006 се застапени земјите од регионот:

Србија и Црна Гора - 24

Хрватска - 1

Словенија - 12

Босна и Херцеговина - нема излагачи

Бугарија - 18

Грција - 2

Албанија - нема излагачи

Романија - 36

Турција - 40

Книги книги книги книги ...

2006-03-09T05:02:00.000+01:00

Една работа што ми се допаѓа во САД е што многу лесно може да дојдам до компјутерска литература.

Книгите се достапни на секој чекор, можам да ја нарачам преку интернет или да најдам во која од најблиските книжарница се наоѓа книгата што ја барам.

Ако не сум сигурен дали книгата што сакам да ја купам е доволно добра, одам во книжарница (BORDERS), си нарачувам кафе, ја земам книгата и ја разгледувам. Можам да ја читам да ја прочитам и немора да ја купам.

Замислите дека ви треба некоја информација која се наоѓа во некоја книга , која сепак не сакате да ја купите...едноставно одите во книжарница, читате, препишувате и си одите.

Сепак компјутерската литература е многу поскапа од другата. На пример Ангели и Демони од Ден Браун ја земав за $7.99. Најевтината книга на Oracle Press е околу $40.

Зошто?

Компјутерските книги кои се актуелни сега, за 6 месеци ќе бидат застарено четиво. Никој нема да ги купи. За да им се исплати работата на издавачите, тие мора да ги продаваат истите за повисоки цени.

Ангели и Демони ќе го читаат генерации и генерации...Логично нели :-)

Последни книги кои ги збогатиле моите полици се:

Книги кои што сакам да се најдат на моите полици

Во САД не се плаќа данок кога купувате книги.

Baseline: Top 10 проекти во 2006

2006-03-07T22:18:00.000+01:00

Baseline магазинот направи рангирање на проекти на кои ќе се трошат најмногу пари оваа година.

Листата е базирана на испитување на 1440 читатели на магазинот.

Еве ја листата:

1. Voice-over-IP
2. Outsourcing
3. Data networking
4. Customer relation. manag.
5. Collaboration
6. Supply chain management
7. Desktop upgrades
8. Applicat. perform. manag.
9. Business analytics
10. Compliance tracking

Значи според читателите на Baseline магазинот, VoIP проектите ќе доминираат во 2006 година.

Претседателе, зошто го заборавате ПМФ ?

2006-03-05T21:37:00.000+01:00

Господине Престедателе, зошто (не)намерно го изоставувате Природно-Математичкиот факултет од групата Технички факултети на кои им се обративте на 15 фебруари оваа година?

ПМФ го немаше ни во 2004 кога подарувавте инженерски прстени.

Јас како дипломиран студент на Природно-математички факултет - Институт за Информатика Ве уверувам дека мојот факултет е барем исто толку технички колку што е и ЕТФ.

Смрт за флет-фи во САД?! Тешко, речиси невозможно

2006-03-05T21:08:00.000+01:00

Во својот текст Смрт за флет-фи моделот? Јован дава информации дека компаниите во САД планираат да воведат доплата на кортистење на интернет услугите во смисол "плаќај колку што трошиш" (слично како во Македонија).

На Јован би му било забавно да го гледа воведувањето на концептот на наплата во САД...

Јоване, тој филм никогаш нема да можеш да го гледаш.

Зошто?

Голема конкуренција

Kои се бе BellSouth? :-) Прв пат слушам за нив. Типовите нудат DSL, но DSL нудат и AOL, AT&T, Vonage и многу други далеку поголеми играчи од BellSouth и несакат да слушнат за ваквата опција.

Да не зборувам за компаниите кои нудат Dial-up кој чини $10 долари месечно со вклучена телефонска линија... да точно нема дополнителни трошоци поради тоа што локалните телефонски разговори се бесплатни на ниво на еден ZIP код.

Прочитај го кој е ставот на Cable провајдерите на брз интернет...Не сакаат да слушнат за такво нешто.

Major cable companies, for the time being, say they aren't considering new business models for Internet access. But cable companies, too, are introducing new pricing structures, such as video on demand that makes some programs available free, but charges users a fee for recently released movies and other premium content.

Што викаат Vonage за оваа "луда" идеја

But Internet companies such as Vonage Holdings Corp., which sells Internet phone service, strongly oppose the idea of charging Internet users on a per-application basis rather than the typical monthly flat fee that most operators charge for unlimited access. "It's such a significant departure from the way the Internet works," says Vonage spokesman Chris Murray. "It's exactly the opposite of the Internet model" in which customers buy access and can then do anything they want.

Еве го Vonage нема да ја примени таа опција и сите DSL корисници ќе одат кај него...

КОНКУРЕНЦИЈАТА СИ ГО ПРАВИ СВОЕТО.

Проблемот кај некои од компаниите кои нудат DSL е што вложија многу, а добија малку поради тоа што Cable операторите ги "изедија".

Зависноста на американската економија

Општеството и економијата во САД се тотално зависни од интернетот каков што е.

Јас денот на работа неможам да си го замислам без видео конференција или праќање или добивање на десетици мегабајти податоци дневно.

Замисли кој би ја симнал Oracle базата од интернет (која е слободна за симнување), чии инсталациони фајлови се големи околу 1GB.

Граѓаните на САД

Consumer groups are also opposed. "The minute you let the phone companies decide which services are available, you've killed the Internet," says Mark Cooper, director of research at Consumer Federation of America.

Во САД DSL и DialUp користат баш оние на кои не им треба многу интернет и брз bandwidth, кои го користат за проверување пошта, за плаќање сметки и за други ситни работи.

Сите останати користат Cable.

И сега некоја баба таму се бунела оти плаќала исто толку колку што плаќале оние кои "виселе" на интернет

Mr. Smith often laments the fact that his parents, who use the Internet for only low-capacity activities such as Web surfing and email, pay fees similar to those of heavy users who suck up capacity by downloading music or using BitTorrent, which is used by millions to download movies and other material off the Internet.

Хахаха е па тоа ќе го решат со тоа што ќе воведат нови пакети кои би биле поевтини, но би имале ограничени можности, па бабата ќе биде задоволна.

"I do think there are people who are saying just give me what I need, I don't need all this fancy stuff and it'll be fine," says Verizon spokesman Eric Rabe. "That's why we're selling this service."

За крај

Главниот слоган и главната понуда на AT&T е неограничениот интернет. Verizon вложија милиони во опрема која ќе овозможи брз Wireless интернет во секоја точка во САД, и сега да ја сменат политиката поради тоа што некој неможе да се трка со нив :-)))

Ете зошто тоа никогаш нема да го биде во САД. Никој нема да им забрани на незнам таму некои си BellSouth да си воведуват сервиси, но секогаш ќе има некои подобри кои ќе нудат флат-фи интернет...

*****

Дискусијата продолжува кај Јован

*****

Само што објавија на ABC дека AT&T го купува BellSouth за 67 милијарди долари (во акции).

*****

Ако до вчера SBC и AT&T заеднички се претставуваа во своите реклами од денес SBC официјално е AT&T (барем на рекламите) и рекламите продолжуваат само со презентирање на AT&T.

Електронски магазин за култура и уметност АГОЛ

2006-03-05T17:44:00.000+01:00

Пријатно се изненадив кога случајно наидов на интернет страницата електронскиот магазин за култура и уметност АГОЛ.

Тоа е магазин кој го креираа група ентузијасти од мојот град Неготино, повеќето од нив ги познавам, но оддамна не сум контактирал.
Тие го издаваат овој магазин во склоп на невладината организација Неготински круг чија мисија според нив е:

Промоција на принципите на децентрализација и демократизација во сферата на културата и културната политика, преку едукација, промоција и дистрибуција на културно-уметнички вредности.

Можам да кажам дека ме импресионира дизајнот и содржината на страницата...Одлично.

Браво дечки продолжете понатаму, добивте уште еден редовен читател ...

Купете му мобилен на вашето куче :-)

2006-03-05T07:37:00.000+01:00

Каде отиде светот ееееј ....

Ете дојде и тој ден да се произведуваат мобилни за кучиња. :-))))

ПОВЕЌЕ

Замислете го Џеки со мобилен шета по кантите ... хахаха... или пак си седите дома ви звони телефонот и Шарко ви лае низ слушалка ... :-) па да се научи да пушта SMS, па Voice Mail, ... а бе светот High Speed интернет на кучињата ќе им постави, ние за луѓето немаме ...

... eee на Шарко му купив NOKIA со камера :-)

ај да не забегувам :-) ... PetCell се вика компанијата што планира да ги произведува овие уреди кои главно ќе се употребуваат за пронаоѓање на изгубениот миленик.

Викенд е ... SHEDD AQUARIUM - Chicago

2006-03-05T06:19:00.000+01:00

Време е за релаксација...

JOHN SHEDD AQUARIUM - Chicago

Најголем затворен аквариум во светот со повеќе од 8000 видови на водни животни.

Вистинска релаксација ... тотално уживање и психичко одмарање ...

Еве и неколку фотографии (морав да им ја намалам резолуцијата, можеби изгубиле малку на квалитет)

Oracle vs MySql: Големите ги јадат малите риби.

2006-03-04T18:38:00.000+01:00

До пред некое време ги следев шопинг-активностите на чичко Лари (Larry Ellison Oracle CEO), кој реши да купува Open Source продукти. линк1, линк2.

Денеска најдов интересна статија напишана од Charless Garry каде тој ги наведува причините и мотивите на Oracle да купува Open Source продукти.

Со купувањето на Sleepycat и нивната база Berkeley DB, Oracle гo стави под контрола и вториот transaction engine за работа со MySQL (претходно го купи InnoDB).
Што тоа значи?

Според Garry:

So Oracle's plan is to destroy MySQL and the open-source database movement by eliminating the competitor's ability to handle transactional workloads.

Оваа тема е доста популарна на ИТ порталите во САД. Разговарав со неколку колеги и тие се стварно загрижени, најмногу поради апетитите на Oracle да го купат и JBoss и PHP.
Тие сепак веруваат дека владата на САД ќе го спречи Oracle во своите намери со тоа што ќе ги прогласи намерите на Oracle како anti-trust.

Слободен софтвер е слободен софтвер, но прашање е каква подршка ќе нуди Oracle за продуктите што ги купува?

Интересен е и фактот што веднаш по купувањето на Sleepycat, тие ја издадоа својата прва продукциска бесплатна база Oracle 10g Express Edition.

Пребарувај се' со Најди! :-)

2006-03-03T20:11:00.000+01:00

По информацијата на Развигор за новиот услуга на македонскиот пребарувач Најди, не чекав ни минута време за да го ставам на мојот блог и нормално да го тестирам.

Направив неколку тестирања... супер е!

Кој сака повеќе детали и информации како да го прилагоди пребарувачот на својот блог може да најде кај Развигор.

Кратки вести од IT индустријата

2006-03-02T22:05:00.000+01:00

Неколку кратки новости, за некој интересни за некој не :-)

Студија која потврдува дека користењето на мобилни телефони за време на авионски лет е опасно по безбедноста на летот

Студијата е направена од истражувачите на Carnegie Mellon University која потврдува дека користењето на мобилни телефони, лаптоп компјутери (WiFi) и други уреди кои користат радио бранови влијае врз работењето на GPS уредите во авионот.
Всушност ова влијание било многу поголемо отколку што се мислело.

За сега користењето на мобилни телефони е забрането од полетување до слетување на авионот. Лаптоп компјутери и сите останати електронски уреди може да се користат кога авионот е веќе полетан, но само ако се исклучени сите уреди кои користат радио бранови.

Во Европа некои компании дозволуваат користење на целуларна технологија за време на лет. повеќе

Превземено од The Register

**********************************

AMD го обвини Skype за не-фер игра со Intel

Имено, Skype 2.0 нуди опции кои што можат да се користат само на PC кое има Intel процесор.
Намерно или не Skype и Intel објавија дека работат на заеднички проект кој ќе овозможи 10 канална VoIP конференциска врска. Во почеток таа ќе биде овозможена само на корисниците чии PC-a користат Intel Centrino Duo mobile technology-базирани laptop компјутери, desktop PCs кои имаат Intel Pentium D, Pentium Extreme Edition, и најнови Intel Viiv процесори.

Превземено од The Register

**********************************

Oracle го предизвикува Google

Oracle го предизвикува Google не во интернет пребарувачи туку во Enterprise пребарувачи. Google соработуваат со консултантската компанија Bearing Point во креирање на сервиси за пребарување низ сите можни извори на информација во една компанија.
Oracle Secure Enterprise Search 10g нуди можност информацијата да биде лесно достапна на ниво на една компанија, притоа земајќи ги во предвид корисничките привилегии.
Информацијта може да се пребарува во E-mail пораките, документацијата, па дури и податоците во кориснички апликации.
Пребарувањето низ документи сместени во базата за Oracle не е ништо ново, но ново е можноста за пребарување низ други бази.
Засега имплементацијата на оваа технологија ќе биде доста скапа и ќе чини $30,000 по процесор.

Превземено од InformationWeek.
Друг линк - ComputerWorld.
***********************************

Понекогаш ќе објавувам вакви новости.
Се разбира дека може да ги најдете и на други интернет страници.

Open Source во локалната самоуправа...

2006-03-02T21:10:00.000+01:00

Интересен линк за луѓето од локалните самоуправа во нашата земја.
Open Source Академија има за цел да им помогне на локалните власти да имплементираат Open Source решенија.
Имаат доста примери за усшешна соработка, извештаи, white-papers, Case студии итд.

Welcome to Open Source Academy. Our aim is to encourage the use of Open Source Software by local authorities through knowledge sharing and practical advice. The content of our portal, as well as our one-to-one services, can help you economise on costs and increase Open Source's implementation efficency.

Еве некои од нивните клиенти

Birmingham City Council
Cheshire County Council
Bristol City Council
Shepway District Council
University of Kent
Open Forum Europe (OFE)
National Computing Centre (NCC)
Society of IT Management (SOCITM)
Institute of IT Training (IITT)

Ако некој е заинтересиран трк на овој линк. Немојте после да кажете демек не сте знаеле каде како и што.

Интернет без граници бее!

2006-03-01T17:16:00.000+01:00

И јас се приклучувам кон иницијативата за Интернет без граници.

Интернет без граници! е мало банерче кое се поставува лесно на Вашиот блог - секако доколку сакате да се придружите на оваа неформална иницијатива. Најдобро е да го линкувате кон Ваш пост во кој ги наведувате Вашите барања за интернет без граници. Доколку сакате - дизајнирајте си ново, но задржете го слоганот. Повеќе кај Јован.

Моите барања се:

ДА СЕ НАМАЛАТ ЦЕНИТЕ НА ADSL ИНТЕРНЕТ-от

Неограничен ИНТЕРНЕТ - КАКВИ ЛИМИТИ КАКВИ БАКРАЧИ не постои тоа во светот

Да се изберат две-три компании да нудат кабловски интернет на ниво на цела МАКЕДОНИЈА, а не на кој му текне на тој. Со тоа ќе се добие во квалитет, а и нови работни места, поготово сега пред избори..лудница

Провајдерите да нудат подобар квалитет, а не да им паѓа мрежата X-пати у месец. Security инженери да си вработат и да не цвикаат кога некое квази хакерче ќе ги нападне туку да го ВОЗВРАТАТ УДАРОТ,

Да се едуцира населението како да го користи интернетот

Бесплатен интернет во сите образовни институции - а внатре Wireless LAN, по можност :-)

~~И да не се вика ADSL, туку DSL како што се вика у цел свет~~

DSL наместо ADSL *** ново

За крај што друго освен,

ИНТЕРНЕТОТ НЕ Е ЛУКСУЗ ИНТЕРНЕТОТ Е ПОТРЕБА

*****************************

По сугестија на zerosignal направив промена во моите барања :-)
бидејќи ADSL не е исто со DSL

digital subscriber line (DSL) connection.
DSL is a very high-speed connection that uses the same wires as a regular telephone line.

asymmetric DSL (ADSL) line.
ADSL divides up the available frequencies in a line on the assumption that most Internet users look at, or download, much more information than they send, or upload. Under this assumption, if the connection speed from the Internet to the user is three to four times faster than the connection from the user back to the Internet, then the user will see the most benefit (most of the time).

***************************** додадено на 3 Март

благодарение на Јован еве уште информации:

VDSL се користи за последна милја од страна на incumbent operator-ите во Јапонија, Јужна Кореа и Сингапур. VDSL овозможува 100-тина мегабита преку парица (мислам дека се работи за дупла парица, ама може се сменети работите).

VDSL-от има домет од неколку стотици метри што значи дека се терминира во орманот пред зградата а потоа шиба фибероптика.

SDSL е симетричен еднопаричен ДСЛ кој се користи пред се' за изнајмени линии.

Може да се симне бесплатната Oracle 10g XE

2006-02-28T22:18:00.000+01:00

Конечно, Oracle 10g Express Edition може да се симне.
Многу досега се збореше за тоа зошто Oracle издаваат бесплатна база, што се крие зад купувањето на InnoDB и Sleepycat, но засега се останува на официјалните информации дека Oracle ја нуди оваа база на:

- Веб програмерите кои работат со PHP, Java, .NET и open source апликации
- На DBA почетници
- На производители на софтвер кои сакаат да користат и дистрибуираат бесплатна база
- На образовните институции

Инсталационата датотека е голема околу 150MB и може да се симне овде.

Oracle 10g XE има доста огриничувања во споредба со Oracle 10g SE, еве некои од нив:

- Базата може да работи на повеќе процесорски сервер, но ќе користи само еден процесор
- Само една инстанца на базата може да работи на еден сервер
- Може да користи до 1GB физичка меморија
- Големината на податоците кои ќе се сместат во неа не смее да биде поголема од 4GB

Oracle имаат и форум за оваа база, кој го модерира лично и персонално Tom Kyte, или попознат како AskTom :-)

За крај мислам дека е време сите оние кои што користат MySql да почнат да размислуваат за преорентирање на Oracle 10g XE, поради тоа што кругот полека се стеснува ...

Hotel Rwanda ... нуди high-speed internet

2006-02-28T20:04:00.000+01:00

Не многу одамна, high-speed интернет конекцијата во Руанда чинела околу $1000 месечно. RwandaTel имал дури 22 претплатника. Но со доаѓањето на Terracom, работите драстично се измениле.
Terracom ги купил RwandaTel за 20 милиони американски долари и ја спуштиле цената за DSL и телефонска во пакет на $80 долари месечно.
Одтогаш почнува интернет револуцијата во оваа земја која до пред неколку години беше во еден од најризичните региони во светот.

Повеќе за оваа информација можете да прочитате на The Register

"Нема одмора док траје обнова" :-)

UIC: Практичен пример за производство на квалитетни кадри

2006-02-26T07:55:00.000+01:00

Високо-образовниот систем во Македонија, производство на квалитетни кадри, квалитет на студии итн се едни од многуте теми на кои се дискутирало се дискутира и ќе се дискутира.

Инспириран од тогашниот текст во Време напишав пост во кој ги изнесов моите ставови и коментари во однос на тоа која е улогата на фирмите во Македонија во создавање на нов кадар. Читав различни размислувања, а најголем дел од нив беа базирани дека државата била крива за непроизведувањето на квалитетен кадар, државата требала да вложува, фирмите плаќале данок (плаќаат вработените, а не фирмите) итн.

Мојот став во однос на оваа тема останува ист, а тоа е дека Фирмите треба активно да спонзорираат истражувачки проекти на универзитетите, да стипендираат напредни студенти, да инвестираат во кадар кој утре ќе биде база за нивните компании.

Улогата на државата би се состоела во тоа да:
- им овозможи на фирмите да инвестираат во вакви проекти
- да ги стимулира и подржува студиите кои се од општествен интерес
- за своите потреби(државни проекти) прво да се обрати во своите образовни институции, а не одма да ангажира скапо-платени неквалитетни консултанти од странство
- да биде спонзор во проекти кои се од државен интерес (но проекти од кои би се добил некој бенефит, а не само да се потрошат планираните пари)

Како поткрепа на тоа еве еден пример како тоа функционира во САД.
Како пример го земам University of Illinois - Chicago.
Спонзори на истражувачките лаборатории на Одделот за Информатичка технологија се 30-тина големи компании меѓу кои се Motorola, Sun Microsystems, Army Research Office, Defense Advanced Research Projects Agency, итн.
Сите тие активно спонзорираат проекти и стипендираат студенти кои утре би биле потенцијални кандидати за вработување во нивните фирми. Со работењето на проектите, студентите ќе бидат доволно обучени и спремни да работат во фирмите-спонзори.

Покрај тоа проектите на кои што се работи се тесно поврзани со работата на фирмата-спонзор. На тој начин фирмата-спонзор покрај тоа што гради база на кадар, тие добиваат и квалитетен продукт.

Како пример ќе ја земам лабораторијата за Вештачка Интелегенција.
Моментално во склопот на оваа лабораторија студентите и професорите работат на неколку проекти. Еден од најинтересните, барем за мене, е проектот ITS (Intelligent Transportation Systems).

Се работи за проект кој има за цел да им нуди на возачите информација за густината на сообраќајот.
2 милијарди галони гориво се трошат годишно во САД во чекање во згуснат сообраќај. 135 милиони возачи поминуваат 2 милијарди саати заглавени во сообраќајниот метеж што претставува вкупен трошок од 100 милијарди долари годишно.
Водејќи се од овие бројки, луѓето создале систем кој базиран на информациите за состојбата на патиштата ќе им нуди на возачите информација како најбрзо да стигнат од точката Y до точката X.
Проектот сега за сега се однесува на регионот Gary, Chicago, Milwaukee (GCM) и нуди real-time информација за состојбата на патиштата. Воедно на многу места поставени се и камери, па возачите преку live-streaming video можат да ја видат состојбата на одредени сообраќајници пред да тргнат на пат.

The GCM Corridor is one of four "Priority Corridors" throughout the country. The corridor includes the greater metropolitan areas of Gary, Chicago, and Milwaukee as well as portions of southeast Wisconsin, northeast Illinois, and northwestern Indiana. The corridor was defined to allow for a wide range of solutions for movements throughout the corridor. The intent of ITS is to improve mobility by better managing the existing transportation system, rather than simply building new roads. The goals of the priority corridors are to provide an operational testbed for ITS projects where they have the greatest opportunity improve regional traffic, provide "showcases" that will help maintain public awareness and support for ITS development, create strong institutional relationships that will lead to greater regional cooperation, and provide an opportunity for effectively testing new technologies.

Проектот е спонзориран од Illinois Department of Transportation (DOT) and US Department of Transportation(FHWA), Indiana DOT, Wisconsin DOT и National Academy of Sciences

ПОВЕЌЕ

Го тестирав системот и функционира одлично ... резултатите се реални ...

Мислам дека го користат алгоритмот на Dijkstra, за наоѓање на најкраток пат во тежински граф.

ITU: Connect the World by 2015

2006-02-25T00:25:00.000+01:00

Од 7 до 15 Март оваа година во Доха, Катар ќе се одржи World Telecommunication Development Conference на која главна тема на дискусиите ќе биде иницијативата Connect the World.
Се работи за проект, во кој се вклучени владите на многу земји од светот , кој предвидува интернет поврзување на 800,000 села или 30% од вкупниот број на селата во целиот свет.

What: WTDC — Connect the World Partners’ Panel
When: Wednesday, 8 March 2006, 15h00 — 17h00
Where: Al-Rayyan room, Sheraton Convention Centre, Doha, Qatar
Why: To support a global community of partners and a broad popular movement to empower the world’s people through access to ICTs and the creation of an inclusive knowledge-based Information Society.

Незнам дали некој од Македонија ќе присуствува таму.
Ако незнаат каде да се пријават еве им линк.

...или на нашиве села не им е потребен интернет ...

Windows Finally Beats Unix... What about Linux?

2006-02-24T20:38:00.000+01:00

Е типот е лудница еј... Steven J.Vaughan-Nichols и неговата колумна Windows Finally Beats Unix, But Linux Is Coming on Strong.
Погоден од информацијата дека за прв пат до сега се продале повеќе Windows одколку Unix сервери, типот пишува дека тоа нема да трае долго, а кажува и зошто.
Интересна колумна ...
Побарав и други колумни од него, еве некои од нив:

Survey Shows Linux Is the Better Server Choice
Get the Real Facts: Survey shows Linux is the better server choice
Open Source -- the one, true way to develop software

За сите поклоници на Unix и Linux, а и за оние кои се анти-Microsoft ориентирани, читањето на овие колумни би им претставувало вистинско уживање. :-)

Еве само дел од тоа што го најдов таму

I know that Microsoft turning to open-source seems impossible to you.

Think about it. Vista and Office 2007 may not sell like hot-cakes. Bill Gates and Steve Ballmer will eventually retire. And, Microsoft will start to lose its grip on the market. It happened to US Steel, it happened to the Detroit-based automobile companies, and it happened to IBM, which came back by remaking itself. It will happen to Microsoft.

Come that day, Microsoft will have to join the rest of the software world in realizing that open-source isn't just a way to write software, it's the best way to write software.

КРАЈ ...

****************************

Уште нешто...
На следниов линк може да го погледнете research документот на Enterprices Management Associates (EMA) Get The Truth on Linux Management каде што може да најдете интересни детали и резултати од истражувањата направени од EMA

Чикаго од Windy City ќе стане Wi-Fi City

2006-02-22T07:00:00.000+01:00

Оваа вест прилично ме израдува па еве ќе ви ја пренесам и на вас.
Имено, од оваа пролет Чикаго ќе биде покриено со Wi-Fi мрежа која ќе овозможи бесплатен wireless интернет на жителите на Чикаго.
Властите во Чикаго планираат да изградат џиновски hotspot кој ќе покрива 228 квадратни милји.
Ова е најверојатно дел од проектите кои ќе се прават со цел Чикаго да се кандидира како град домаќин на Олимписките игри во 2016 година.
Планираат да градат нов стадион, иако сегашниот SOLDIER FIELD е фантастичен. На новиот стадион би играл нов NFL тим.
Планираат Чикаго да биде првиот Smoke Free град.
Упорни се во желбата, белки имам среќа да ја следам олимпиjадата од дома ...

SWEET HOME CHICAGO

Hidehey
Baby don't you wanna go
Back to that same old place
Sweet home chicago

Come on
Baby don't you wanna go
Come on
Baby don't you wanna go
Back to that same old place
Sweet home chicago

Hidehey
Baby don't you wanna go
Hidehey
Baby don't you wanna go
Back to that same old place
Sweet home chicago

One and one is two
Six and two is eight
Come on baby don't ya dare be late
Come on
Baby don't you wanna go
Back to that same old place
Sweet home chicago

Six and three is nine
Nine and nine is eighteen
Look there brother baby don't ya see what i've seen
Hidehey
Baby don't you wanna go
Back to that same old place
Sweet home chicago

$10,000 за секој откриен bug во Windows

2006-02-21T01:15:00.000+01:00

Ајде хакери ... имате шанса поштено да заработите 10,000 американски долари.
Фирмата iDefence плаќа по 10 илјади американски долари за секој откриен "критичен" bug во оперативниот систем на Microsoft.
Microsoft ги рангира "дукпките" во својот систем како "критични" ако тие можат да се искористат од некој црв (Worm) за да истиот се рашири и се активира.
Нема ограничување за бројот на наградите, ако најдете 5 ќе добиете $50,000.
Се што треба да направите е да го пријавите bug-от кај iDefence и да видите дали тој ќе биде карактеризиран како "критичен" .... Ааа, да ... тоа треба да го направите до 31 Март.

Ова го прочитав во Washington Post, a нивниот блог има повеќе детали...

Значи сите оние кои се Анти-Microsoft ориентиран, а имаат добра причина за тоа, сега имаат шанса да покажат зошто, а во исто време да заработат добри пари.

The National Air and Space museum ...

2006-02-19T15:16:00.000+01:00

Вчерашниот ден го поминав во шетање низ Washington, DC. Со Наташа шетавме по популарните Smithsonians.
Најголем впечаток ми остави посетата на National Air and Space Museum.
Таму видов оригинални примероци на вселенски летала кои биле користени при освојувањето на вселената.

Еве неколку слики:

GEMINI IV - Првото американско вселенско летало
Повеќе за мисијата на GEMINI IV овде.

THE VIKING Lander on MARS

Е сега погледнете како почнало сето тоа. На следната слика може да го видите првото летало на браќата Wright.

Значи, се почнало со проектите на браќата Wright и со желбата да летаат во облаците како шо тоа го прават птиците.....подоцна човекот стигнал и на месечината, еве неколку слики од APOLLO 11 мисијата ...

Еве како изгледала тогашната пилотска кабина и тогашните компјутери

Верувам дека сликите се интересни, сликавме и многу други, но блогот не е место каде што треба да ги објавиме. Можеби ќе креираме некој албум, па ќе може да ги видите.

Поефтин интернет ... Бидете упорни, ќе успеете

2006-02-18T18:14:00.000+01:00

Супер е што МТНЕТ ги намалува цените на пакетите, и тоа треба да се поздрави.
Но, вистинскиот ефект ќе биде кога ќе се укинат ограничувањата.
Ма кај го има тоа бре? 512МB, катастрофа.
Може ова им е финта да видат дали ќе го зголемат бројот на корисници па понатаму ќе ја намалат цената уште повеќе.
Ви реков јас, математичари и статистичари им требаат на нив.

Страшна дебата се води кај револуционерите, така да дискусијата на оваа тема може да ја продолжите таму.
Волан презентира повеќе детали на неговиот блог (Доста е активен во последно време).
Panta Rei со свој осврт на оваа информација.
....сигурен сум дека и други блогери ја објавуваат оваа информација.

Во меѓувреме, можам да кажам дека имам среќа што имам неограничен и евтин интернет ... ОДЛИЧНА СТВАР ...
Оваа недела сум во Washington, DC и кога дојдов во хотелот забележав дека немам интернет во собата, т.е. конекцијата не работи ... се јавив на рецепција.
Иако беше 9 часот навечер и иако рецепционерот не е network engineer, се "растрча" и ми помогна ... ми даде нов cable модем... ЗНАЕ ТОЈ ШТО ЗНАЧИ ИНТЕРНЕТ И ШТО ЗНАЧИ ЗАДОВОЛЕН МУШТЕРИЈА ....БРАВО

Никој нема право да го кочи развојот на македонското интернет општество ...

БЕЗРЕЗЕРВНА ПОДРШКА ОД МЕНЕ ... бидете упорни ЌЕ УСПЕЕТЕ

Поздрав

Oracle DataPump е 15-45 побрз од Export/Import

2006-02-18T17:36:00.000+01:00

Ако имате Oracle база на податоци и сакате да направите Export/Import на податоци, заборавете на класичниот Export/Import, користете DataPump ... фантастична ствар.
Со класичен Export/Import за да експортирам 7GB податици ми требаа 7 саати на SUN SPARK R480 ... истиот експорт со DataPump заврши за 20 минути.
Лудило, Oracle тврдат дека DataPump e за 15-45 пати побрз од Export/Import, а гарантираат за најмалку 10 пати поголема брзина. повеќе

With Data Pump Import, a single stream of data load is about 15-45 times faster than original Import. This is because original Import uses only conventional mode inserts, whereas Data Pump Import uses the direct path method of loading. As with Export, the performance improvement can be even greater depending on the level of parallelism.

Уште појако е користењето на transportable tablespaces. Се што треба да направите е да ја експортирате структурата на Tablespace-от, таканаречената METADATA и да ги префрлите податочните датотеки (datafiles). и тоа е тоа ... значи со овој метод експортот заврши за 15 секунди а импортот траеше 3 минути, од кои најголем дел беа за бинарно префрлање на датотеките од едниот кон другиот сервер.

еве ви синтакса за експорт

expdp system/manager dumpfile=tts.dmp directory=trans_dir TRANSPORT_TABLESPACES=ts_name logfile=ts_nane.log

еве за импорт

impdp system/manager directory=import_dir dumpfile=ts_name:ts_dest TRANSPORT_DATAFILES=патека до datafiles

Повеќе за transportable tablespaces овде.

Што да кажам на крај, освен, ORACLE RULES ...

Како изгледал првиот компјутер

2006-02-17T06:18:00.000+01:00

Како изгледал првиот компјутер ...

Мал хумор не е на одмет :-)

Еве уште нешто

Oracle Streams за синхронизација на две Oracle бази

2006-02-16T06:55:00.000+01:00

Oracle Streams е техника на Oracle која служи за репликација на податоците од една база во друга.
Кога се работи за две бази кои што се поврзани преку LAN, синхронизацијата може да биде real-time.
Oracle Streams се базира на Oracle Advanced Queuing. Значи се работи за пренос на пораки од едно queue, кое се наоѓа на source базата, кон другото, кое се наоѓа на destination базата.
Oracle Streams го сочинуваат три главни процеси:

1. Capture процес
2. Propagation процес
3. Apply процес

Capture процесот ги прегледува извршените трансакции во архивираните логови (archived log) и од истите креира LCR (Logical Changed Record) кои ги сместува во source queue-то во вид на ANYDATA пораки.

Propagation процесот ги прифаќа овие пораки и ги праќа кон дестинациската база, т.е. ги сместува во дестинациското queue.

Apply процесот ги зема пристигнатите LCR-ови и во зависност од трансакцијата (DML), прави запишување, промена или бришење на податоци.
Исто така може да се реплицираат и DDL (Data Definition Language) трансакции

Синхронзацијата може да биде двострана, т.е. како од база1 до база2, така и од база2 до база1, за што постојат и техники за разрешување на конфликти.

Се на се, ова е фантастична техника која за прв пат Oracle ја претстави во верзијата 9i. Streams во 9i беа многу баговити и нестабилни. Поголеми подобрувања имаше во верзијата 10g Release 1.
Streams се фантастично усовршени во верзијата 10g Release 2.
Oracle ги препорачуваат за синхронизација на две бази, но сепак не велат дека протхедното решение Oracle Advanced Replication, базирано на материјализирани view-а е "мртво".
Streams имаат подршка за имплементација во RAC (Real Application Cluster) околина, може да имаат неограничено многу дестинациски бази.

Streams може да се употреби и како Disaster Recovery решение, но сепак Oracle за тоа го има Data Guard.

Streams може да работат во хетерогена околина, т.е. може да реплицираат Oracle база со друг тип на база (MS SQL Server, DB2, не сум сигурен за MySql)

******************************

Утре конечно ќе ги добијам резултатите дали архитектурата која што ја поставив ќе ги задоволува барањата да се синхронизираат две бази (во реално време).

Се работи за два Database сервера со следнава конфигурација:

Sun 280R
2 CPUs 4 GB RAM
Solaris 9

Потоа ќе додадеме еден Itanium2 Windows сервер за да симулираме синхронизација во хетерогена околина, во смисла на оперативни системи.

Како и да е утре ќе биде напорен ден за мене. Ако некој сака повеќе информации за Oracle Streams слободно нека ме контактира (e-mail адресата ќе ја најдете во мојот профил)

Останете ми со здравје, одам да спијам, касно е.

10 години затвор и 250 илјади долари за напад на компјутерска мрежа

2006-02-15T05:45:00.000+01:00

10 години затвор и 250,000 американски долари е казната со која се соочува Christopher Maxwell(20), од Vacaville, Калифорнија, за нападот кој што го извршил врз илјадници компјутери. Меѓу нив се наоѓа и компјутерската мрежа Seattle's Northwest Hospital and Medical Center.
Со нападот врз компјутерската мрежа на болницата, во Јануари 2005, тој непосредно ги донел во опасност пациентите на болницата.
Штетата која Chritopher и ја нанел на болницата изнесува 150,000 долари. Неговата незаконска активност започнала во Јули 2004 и се проценува дека досега има нападнато околу 50,000 компјутери.
Компјутерскиот напад е еден од најтешките криминални дела во САД. Во зависност од тежината на нападот, хакерот може да се соочи со доста високи казни кои вклучуваат и затвор. (линк1, линк2).

Извор (The Register)

Oracle го купува и PHP?!

2006-02-13T22:42:00.000+01:00

По се изгледа Oracle заедно со купувањето на Zend, ќе го купи и нивниот продукт PHP.
После првичните непотврдени информации, почнаа да стигаат потврди од страна на преставници на Oracle. Една од нив е дека Oracle планира да потроши 600 милиони долари во шопинг на фирми кои имаат Open Source продукти.
Се започна со шпекулацијата дека Oracle ќе го купи JBoss, понатаму информациите се проширија и на Zend и SleepyCat, но неможев ни да замислам дека Oracle го ставил и PHP во "корпата за купување".
Според проценките кои ги изнесе BusinessWeek, за JBoss Oracle ќе потроши не повеќе од 400 милиони долари, За Zend и PHP до 200 милиони, а SleepyCat е неспореднливо мал во однос на претходните, но сепак неговата цена ќе се знае деновиве.
Инаку 600 милиони се смешна сума за Oracle, во споредба со годишната продажба, што оваа компанија ја прави, која изнесува 16 милијарди долари.

Какво влијание ќе има овој шопинг на Oracle врз светскиот пазар?

- JBoss досега е симнат 16 милиони пати (се разбира не се коирсти толку)
- Познато е дека 18 милиони интернет страници се изработени во PHP
- SleepyCat само што зема замав во полето на Open Source базите на податоци.

Сеуште не се знаат крајните намерите на Oracle, а најголемото прашање кое се поставува е:

Како ќе изгледа Open Source светот откако чичко Larry ќе ја помине својата "картичка" преку касата на големиот маркет наречен Open Source?

Еве линкови до некои поопширни статии во кои е опфатена оваа тема:
BusinessWeek: Oracle's Open-Source Shopping Spree
eWeek : Ellison-Fleury: A Match Made in Heaven or Hell?
eWeek: Oracle Planning to Eat the Entire Open-Source World

A Tribute to Alan Turing

2006-02-12T05:55:00.000+01:00

Alan Turing, татко на информатиката, математичар, филозоф, логичар, крипто-аналитичар, еден од најголемите умови на своето време.
Тјуринговата Машина, "компјутер" кој се појави многу пред "дигиталната ера".
Многу дела по кои ќе остане запаметен од новото време, осуден и понижен од неговото време.
Генијот ... се самоубива на 7 Јуни 1954 година ....

1912 (23 June): Birth, Paddington, London
1926-31: Sherborne School
1930: Death of friend Christopher Morcom
1931-34: Undergraduate at King's College, Cambridge University
1932-35: Quantum mechanics, probability, logic
1935: Elected fellow of King's College, Cambridge
1936: The Turing machine, computability, universal machine
1936-38: Princeton University. Ph.D. Logic, algebra, number theory
1938-39: Return to Cambridge. Introduced to German Enigma cipher machine
1939-40: The Bombe, machine for Enigma decryption
1939-42: Breaking of U-boat Enigma, saving battle of the Atlantic
1943-45: Chief Anglo-American crypto consultant. Electronic work.
1945: National Physical Laboratory, London
1946: Computer and software design leading the world.
1947-48: Programming, neural nets, and artificial intelligence
1948: Manchester University
1949: First serious mathematical use of a computer
1950: The Turing Test for machine intelligence
1951: Elected FRS. Non-linear theory of biological growth
1952: Arrested as a homosexual, loss of security clearance
1953-54: Unfinished work in biology and physics
1954 (7 June): Death (suicide) by cyanide poisoning, Wilmslow, Cheshire.

... Факти, Документи, слики, на интернет страницата на Andrew Hodges, посветена на Alan Turing

Бил Гејтс му оставил $1000 бакшиш :-)

2006-02-11T17:46:00.000+01:00

После напорниот петок, еден од најнапорните, се вратив дома. Со Наташа решивме да излеземе таа вечер и да се опуштиме малку.
Пријателите, Столе и Цаци, со кои што бевме излезени, ни раскажаа интересна случка кој се случила тој ден.
Имено, колегата на Столе, некој бугарин(не му го запамтив името) кој вози лимузина во Чикаго добил повик да оди на аеродром да пречека клиент кој слетувал во Чикаго (Да се возиш со лимузина е поевтино отколку да се возиш со такси на подолги релации).
Стигнал човекот на аеродром и се појавиле пет шест лица кои му рекле да изелзе од колата. Излегол од колата, а овие почнале да ја претресуваат. Возачот се изненадил, а уште повеќе се уплашил кога непознатите го натерале да потпише документ во кој пишувало дека СЕ ШТО ЌЕ СЛУШНЕ ВО КОЛАТА НЕСМЕЕ ДА ГО КАЖЕ НА НИКОЈ.
Му рекле да го спушти прозорот, кој што го одделува шоферот од клиентите, и да вози.
Возел, стигнал, и си тргнал на назад.
Од диспечерската станица му се јавиле и му соопштиле дека добил бакшиш од 1000 долари. Возачот мислес дека е некоја зезанција, но уште повеќе се изненадил кога му кажале дека го возел никој друг туку БИЛ ГЕЈТС.
Бил Гејтс би на пат за Њу Јорк, но изненадно требал да слета во Чикаго и неговата служба морала бргу да го организира престојот, па се јавиле на најблиската LIMO компанија.

Столе ми кажува дека, бугаринот пукал од радост, не бил при себе, 1000 долари бакшиш.
Он дури и не знаел кој е Бил Гејтс, битен е бакшишот...А, сакал да земе слободен ден тој ден :-).

И уште една интересна работа. Излеговме во еден бар, малку поголем бар и не бевме изненадени што на влезот ни побараа идентификација (тоа е најнормално), но не изненади тоа што на раката ни ставија печат исто како што ставаа печати во дискотеките во македонија порано.
Печатот означувал дека имаме повеќе од 21 година и смееме да пиеме алкохол, па кога ќе дојде келнерката треба да и го покажеме.
Жигосани како свињи во фарма :-)
Значи покрај сета таа технологија, покрај сите начини на идентификација, тие работат со печати...а можеби е и финта...

Овој текст можеби и нема врска со темите за кои пишувам на мојот блог, ама ситуациите беа интересни, посебно приказната за Бил Гејтс и бугаринот, и сепак е Сабота, наутро пијам кафе и чекам да ми стигне најновиот Chicago Tribune.

Ах колку ги сакам саботните утра ... :-)))

Поздрав и пријатен викенд

Михајло

Oracle сака сериозно да се вмеша во Open Source светот

2006-02-11T03:27:00.000+01:00

Интересна статија за аспирациите на Oracle да купува Open source продукти.
Пред некое време напишав пост дека Oracle размислува да го купи JBoss. Е па шпекулациите полека се претвараат во стварност.
Oracle не само што сака да го купи JBoss, туку сака да ги куои и Zend и Sleepycat.
Портпаролите на овие компании сеуште не ги коментираат овие информации кои се сеуште во ранг на озборувања, но кај што има чад има оган, а чадот овојпат прилично е густ.

Како потврда на сите овие озборувања доаѓа и изјавата на Larry Ellison дадена оваа среда (8ми Фебруари) на конференција во Санта Моника:

We are moving aggresively into open source. We are embracing it. We are not going to fight with this trend. We think if we are clever we can make it work for our advantage

Business Week коментира дека Ellison сака да стане најбитен играч на пазарот за производители на софтвер и дека сака да ги насочи сите клиенти само во "една продавница".

Повеќе за статијата, како и интересни коментари може да прочитате на интернет страницата на Business Week.

SAP: Индија станува скапа за outsourcing проекти

2006-02-10T07:39:00.000+01:00

Индија станува скапа за offshore сервиси. SAP ќе бара евтини програмери во Кина или во замјите од Источна Европа, изјави Frank Hartman, портпарол на SAP (овде).
Според National Association of Software and Service Companies (NASSCOM), Индија во последната фискална година, ја зголемила својата outsourcing индустрија за 32%, односно направила 23,4 милијарди долари. (линк)

Од друга страна се повеќе компании сакаат развојот на своите продукти да ги вратат во рамките на својата компанија, бидејќи така би имале поголема контрола. Интересна колумна може да прочитате овде.

Borland го продава Delphi, JBuilder, ...

2006-02-10T00:26:00.000+01:00

Borland ја продава својата позната Интегрирана Развојна Околина, или попозната како IDE (Integrated Development Environment).
Тие сакаат да се фокусираат повеќе на ALM(Application Lifecycle Management) производи.
Borland бара купец за своите Delphi (зоштооооо???) и JBuilder.
Тие се одлучиле на овој чекор најмногу поради ударот кој на JBuilder му го зададе Eclipse, Open Source Java развојна алатка, која има слична функционалност како JBuilder.

Според мене, JBuilder и не играл некоја значајна улога на пазарот на Java развојни алатки, а со појавувањето на бесплатните и Open Source решенија JBuilder ги изгуби сите шанси да биде конкурентен на пазарот.
Дали соработката со Oracle им се врати како бумеранг? Имено, тие Borland учествува во изработката и дизајнот на Oracle JDeveloper, кој што од средината на минатата година стана бесплатен. Дизајнот и начинот на работа на JDeveloper е наполно идентичен со JBuilder (речиси наполно :-))
Во ваква ситуација, незнам кој би фрлал пари за нивниот продукт ...

Но, ако за фирмите кои го користеле JBuilder за развој на нивните апликации има решение во смисла на замена на JBuilder, со Eclipse, NetBeans, JDeveloper, или други производи, за оние кои што го користат Delphi и нема баш некои алтернативи

Што ќе стане со Delphi? Delphi е алатка која е доста користена за програмирање. Најмногу се користи во Европа.
Исто така многу Македонски фирми го користат Delphi за креирање на своите апликации.

Во соопштението наменето за корисниците на нивните продукти, издадено од Tod Nielsen, Borland CEO, не може да се прочита кои се следните чекори на компанијата, во смисла на обезбедување на неопходната подршка за сите доегашни клиенти.

Дали идниот сопственик на Delphi ќе ја пружи соодветната подршка?
Што ако Borland неуспее да го продаде Delphi?
Што е со апликациите кои се изработени во Delphi?

Мислам дека е време сите оние кои што моментално користат Delphi, да почнат да размислуваат за промена на развојната околина.

Информацијата е превземена од InfoWorld

Време: Ќе увезуваме компјутерџии!

2006-02-09T19:44:00.000+01:00

Само што прочитав еден текст објавен во Време дека македонските IT фирми, планираат да увезуваат "компјутерџии".
Според некои менаџери на македонските фирми, денес било многу тешко да се најдат програмери во Македонија.

Ова е извадок од текстот:

Скопската фирма „Сивус“ има потреба од 100 информатичари и инженери, а веднаш би можеле да вработат дваесетина. И покрај ваквата привлечна понуда, „Сивус“ не може да најде соодветен кадар.

- Баравме секаде и преку секого. Нема. Сега ќе одам во Србија и Црна Гора, а потоа ќе барам и во Кина и Индија за да најдам програмери - вели Методија Пејовски, консултант во фирмата „Сивус“.

Тој вели дека побарувачката за информатички кадар е далеку поголема од понудата на македонскиот пазар, па во моментов има недостиг од околу 200 инженери и информатичари.

- Сигнализиравме дека ова ќе се случи, но никој не не слушаше. Сега се договаравме со факултетот во Ниш да им земеме програмери. Ако се посвети повеќе внимание на таа професија, можеби кризата ќе трае уште една година, но потоа ќе се среди - вели Пејовски.

Драга господо сопственици на фирми, програмери има, но проблемот е друг.

1. Сакате да ги добиете за евтини пари

Сакате да ги добиете програмер за евтини пари и без притоа да инвестирате во него

2. Не сакате да инвестирате во нивната едукација и обука.

Во млади и штотуку дипломирани инжинери не Ви се инвестира баш многу.... да да ке избегале....па вие треба да направите да не избегаат, да формирате оддел за човечки ресурси кој што ќе се грижи за тоа.

- Која од Македонските фирми нуди стипендии на студентите по информатика?
- Која од Македонските фирми инвестира во проекти и истражувања кои се реализираат на факултетите?

Со стипендирање на студенти Вие инвестирате во потенцијален кадар за Вашата компанија.
Со инвестирање во истражувачки проекти градите стручњаци кои потоа спремни ви дошле во вашите компании.

........

Или сакате да добиете готов "продукт" без да инвестирате во него ...

Немало програмери... Програмери има, ама Вам не Ви се допаѓа цената која треба да ја вложите во нив.

Наполно се сложувам со професорот Гушев кој вели:

Секоја година Министерството за образование си ги препишува квотите, без добро да се размисли колкава е потребата за студенти на одредени катедри - вели Гушев.

Постојат катедри на кои е предвидено да се запишуваат 100 студенти, а се запишува само еден. За таа разлика квотите на кадедрите кои нудат интересна и атрактивна програма не се зголемуваат, па студентите кои не успеале да се запишат на некој од информатичките одсеци шансата ја бараат на други факултети.
Зошто мора да се инвестира во неинтересни студии, или пак проблемот е дека некој од професорите би ја изгубил својата работа, па ајде да не го "кршите" него, ќе скршите 20 сетина бруцоши.

Не се сложувам со проректорот Зоран Велковски кој вели:

Тоа се решава многу едноставно. Државата треба да направи стратегија и да предвиди дека во наредниве години ни требаат 5.000 информатичари. Но таа треба и финансиски да застане зад нив и да им обезбеди услови - вели Велковски.

Господине Велковски, па на државата не и требаат информатичари... информатичари му требаат на стопанството, т.е. на фирмите, а тие не се државни. :-)))
Зошто државата да инвестира... треба да инвестираат фирмите ... но за жал тие тоа не го гледаат така ....
До кога со вакви размислувања !!!

За среќа суште постојат компании кои на овој проблем му пристапуваат посериозно.

Излезе најновата верзија на Oracle JDeveloper 10g

2006-02-09T07:17:00.000+01:00

Излезе најновата верзија на, за мене, најдобрата алатка за развој на Java апликации Oracle JDeveloper 10g.
Oracle JDeveloper 10g Release3 (Version 10.1.3) може да се симне од интернет страната на Oracle.

Jdeveloper е бесплатна алатка и може да се користи за развој на било Јava базирани апликации (J2EE, EJB, JSF, ADF итн). Има вграден Апликациски сервер, OC4J, за кој немам некое добро мислење, но сепак дека е доволен за тестирање или за правење на мали апликации.
Без проблем може да се користи со било кој друг апликациски сервер како Apache Tomcat, Oracle Application Server, BEA WebLogic итн.
Јас го користам со BEA WebLogic Server 9.0, и можам да кажам дека за развој е одлична комбинација.
Зошто го ставам JDeveloper пред другите?

Најмногу поради начинот на кој можам да користам Oracle база во апликациите. Работењето е стварно едноставно, а имам и опции директно да правам промени во базата, исто како да имам OEM пред мене (добро не баш исто, ама за развој е доволно).

Добро е организиран со одличен распоред на менија, алатки, прозорци, итн. Работната околина ми годи најмногу поради фактот дека Borland-ови инженери работат на развојот на JDeveloper, па IDE-то ме потсеќа на Delphi, кој го користев многу одамна.

Како и да е, JDeveloper е навистина одлична алатка ... добро, бара малку повеќе меморија (мин. 512МB, 1GB e препорачливо), но на крај се исплати.

Пробајте го, нема да зажалите ...

е-Општество ...e-oва... е-она ... е-Протест!!!

2006-02-08T19:00:00.000+01:00

Протестите на муслиманите кои се случуваат поради објавувањето на "Карикатури со пророкот Мухамед", добиваат нова димензија.
Покрај, кај нас познатиот, конвенционален начин на протестирање (или познат уште и како штрајк) тие својот гнев го изразуваат со праќање на заразени e-mail пораки и напади на интернет страници.
Најмногу на удар се Данските сервери (очекувано).
Оваа вест можете да ја најдите на многу сајтови, еве еден од нив.

Друга ми е поентата ...

Овој пример може да се земе како идеја за стварање на е-Протести.
Наместо граѓаните да мрзнеат по улици, надевајќи се некој да ги слушне, или пак да блокираат патишта, автопати, да креваат слушалки и незнам што ли уште не ....
Ендоставно нека седат дома или пак нека отидат до некое Интернет кафе и нека си еПротестираат бомбардирајќи ги со пораки серверите на институциите кои што им згрешиле нешто...
Вака ниту ќе бидат снимени, ниту избркани од работа, ќе бидат на топличко, одморени и ќе си гледаат сеир.

е-Општество, е-Стратегија, е-Банкарство, е-она, е-ова, епа зошто да не е-Протест :-))))

Интересна идеја а?

Знам, знам, скап е интернетот, ама ... еден ден кога ќе биде евтин ... :-)

Source Code of Windows!

2006-02-08T06:47:00.000+01:00

Денес баш и не ми се пишуваа многу, но за хумор има секогаш време.

Source Code of Windows!

#include "<"windows.h>
#include "<"system_errors.h>
#include "<"stdlib.h>

char make_prog_look_big[1600000];

main()
{
if (detect_cache())
disable_cache();

if (fast_cpu())
set_wait_states(lots);

set_mouse(speed, very_slow);
set_mouse(action, jumpy);
set_mouse(reaction, sometimes);

printf("Welcome to Windoze 3.999 (we might get it right or just call it Chicargo)\n");

if (system_ok())
crash(to_dos_prompt);
else
system_memory = open("a:\swp0001.swp", O_CREATE);

while(1) {
sleep(5);
get_user_input();
sleep(5);
act_on_user_input();
sleep(5);
if (rand() < 0.9)
crash(complete_system);
}
return(unrecoverable_system);
}

:-)

IBM: Нов чип за пресврт во WiFi индустријата

2006-02-07T05:30:00.000+01:00

International Business Machines Corp. или попознати како IBM објавија дека работат на производство на нов чип кој би се користел за трансфер на High-Definition видео податоци.
Чипот се базира на 802.15.3c спецификацијата и го користи фреквенциите на радио спектарот кои се наоѓаат во опсегот од 30 до 300GHz или попознато како "millimeter wave frequency bands".
Во принцип се работи за безжична технологија која треба да врши пренос на податоци со пропусна моќ (bandwidth) од 1.4 до 1.5 Gb (гигабити) во секунда.

Според IBM, за почеток овој чип ќе се користи за пренос на податоци на растојание од 5 до 10 метри. Главната цел е да овозможи пренос на High Definition сигнал од HD TV до вашиот компјутер и обратно. Најмногу би се користело за видео конференции и слично.

Реализацијата на ваков продукт би претставувало голем чекор напред во полето на безжична технологија. Општо познато е дека многу компании инвестираа пари во производство на технологија која ќе овозможи брз трансфер на голем број на податоци преку безжична мрежа. Помина доста време Bluetooth технологијата пред да ја најде својата примена во практичниот свет, но сеуште не претставува општо прифатен стандард.

Повеќе за најновиот проект на IBM можете да најдете на нивниот research портал.

BMW.de тргнат од индексот на Google

2006-02-07T05:28:00.000+01:00

Домејнот BMW.de е трганат од индексот на Google поради манипулација со содржината која се пребарува и онаа која навистина се прикажува.
Имено, кога Google engine-от го пребарува BMW.de порталот, тој пребарува по една содржина, но кога корисникот кој ја нашол странат на Goolge ќе сака да ја погледне истата, тогаш JavaScript код го пренасочува корисникот кон страна со друга содржина.
Според Matt Cutts, вработен во Google, ова однесување на BMW е окарактгеризирано како webspam и поради тоа BMW е исфрлен од индексот за пребарување на Google.
Според информациите кои што ги прочитав на блогот на Matt Cutts, официјалната причина за овој потег е непридржувањето на BMW кон Правилникот за квалитет каде што особено е нарушено правилото

Make pages for users, not for search engines. Don't deceive your users or present different content to search engines than you display to users, which is commonly referred to as "cloaking."

BMW.de го поправиле својот Web Portal и се очекува повторно да биде достапен за пребарување после два дена, кога истекува 30 дневниот казнен период.

Поради истите причини, слична казна го чека и производителот на опрема за печатење Ricoh.

За крај сакам да кажам...
Правила си се правила, и треба да се почитуваат. Во спротивно губите пари. Не верувам дека BMW изгубиле големи пари поради тоа што порталот не им бил во листата на пребарување на Google цели 30 дена, но сигурно изгубиле многу од Маркетиншка гледна точка, особено кај своите Германци, познати по дисциплина и почитување на правилат.

Slypeecat: Нова верзија на нивната Open Source база

2006-02-07T05:27:00.000+01:00

Slyeepycat издадоа нова верзија на својата open source база Berkeley DB Java Edition.
Најновата верзија 2.1 за разлика од претходните има подобрување во поглед на перформанси. Подобрувањето најмногу се базира на побрзото работење на самата база, подобро работење со релации.
Друга нова особина можноста да се контролира заклучувањето (locking) на табелите.
Најновата верзија доаѓа со солидна документација за користење на базата во апликации кои користат конкурентни трансакции.

Базата може да се симне од оваа интернет страница .

Македонија има одлични IT инженери

2006-02-06T07:54:00.000+01:00

Се почна со информацијата дека наводно, Microsoft ќе отворел технолошки центар во Македонија. Прочитав доста коментари, а во некои од нив видов сомнежи во стручноста на информатичкиот кадар во Македонија.

За факултетите

До пред неколку години македонските факултети ПМФ и ЕТФ нудеа неинтересни и застарени наставни програми.
Кога јас студирав на ПМФ Институт за Информатика, 60% од наставната содржина немаше врска со она што требаше да се студира. Учевме Математичка Анализа I, Математичка Анализа II, Мера, интеграл и специјални функции, предмети каде што само 10% од содржина е интересна и потребна на еден информатичар. По физика учевме колку капки ќе протечат низ славина во одреден временски интервал, наместо да учиме електроника, електромагнетни полиња, итн.
Студиите беа крајно досадни понекогаш одев на предавања поради тоа што морав да бидам таму поради некаков си потпис кој го бара некаков си суетен професор (Поголема суета нема да запознаете од универзитетски професор...ма тоа е чудо едно).
Се грижеа за потписите, а не се грижеа дали нивните предавање им се интересни на студентите, и на крајот од краиштата дали им помагаат за полесно да ја совладаат материјата.
Капак на се беше кога ќе добиеш 6 а си ја пеел материјата. Но, оценките не беа важни важно беше да издржиш во желбата да го завршиш факултетот како така. Секоја чест на оние професори кај кој уживав да одам на предавања, но имаше и такви кои како да залутале на факултетот и предаваат некаква си квази материја разбирлива само на нив. И асистентите, кои морам да признаам беа главната движечка сила за имплементирање на нови наставни содржини, понекогаш не можеа да разберат што сакаа да кажат ИТ поетите.
Е сега, во таква ситуација, многу од студентите не ги завршија студиите, многу од нив ги завршија, но без здобиено знаење кое би го искористиле понатаму во животот.
Но, ако се фокусирам само на "стручните" предмети, можам да кажам дека учевме се и сешто: Микропроцесори, Компјутерска Графика, Бази на податоци, Програмски Системи, Оперативни системи, Програмски јазици, и многу други (не ми е поентата да ги набројам сите). Значи учевме се и сешто и на крајот ... за некој ништо, за некој нешто :-).

За инжењерите

Во една таква околина, нашите студенти добиваат знаење од многу области, иако утре некои од нив ќе бидат програмери (или модерно кажано девелопери), некои ќе бидат дизајнери, некои ќе бидат Администратори на бази на податоци, некои ќе бидат систем администратори итн. Но, сите ќе знаат по нешто и од другите области. Систем Администраторот ќе знае што е ЕР дијаграм (иако може нема да знае да го нацрта :-), Програмерот ќе знае што е Скалирање, како се креира движење на објекти, итн.
Поентата ми е, ако добро се фокусираш на студиите, и добиеш идеја (не да очекуваш да научиш нешто), која понатаму ќе ја искористиш за самостојно здобивање на ново знаење, е тогаш добиваш многу.
Е сега пак ќе зборувам за мене... :-)
Јас својата кариера ја почнав како Delphi програмер. Да, Delphi мојата прва ИТ "љубов", и тука се сретнав со класи, процедури, функции итн. Но, нешто во мене ми кажуваше да не застанувам, нешто ми кажуваше дека тоа не е вистинското и дека ми треба повеќе. На факултет по предметот бази на податоци учевме Oracle и PL/SQL. Не учевме кој знае што, но тоа беше доволно да ме заинтересира да учам повеќе.
Почнав да учам моделирање на бази, SQL, почнав да навлегувам во Oracle светот. На почеток бев повеќе како ентузијаст, но кога ја добив новата работа (како Oracle програмер), сватив колку сериозен предизвик имав пред мене.
Колегите од работа ми помогнаа да се вклопам побргу во новата средина и сега работев на развојна околина тотално различна од Delphi со InterBase. Работев на Oracle 9i база на податоци, Oracle Designer, и добро познатите Forms и Reports.
Развојните околини беа различни, но концептот беше исти ОБЈЕКТНО ПРОГРАМИРАЊЕ. Ааа, да тоа што го учевме на факултет. :-)
Како што одминуваше времето покрај програмирање, работев и на DBA задачи. Еднаш дојде Борче со неколку CD-a на. Ни вели "Сакав да се напијам аспирин, и ми се истури водата врз лаптопот, помагајте, се што работев последниот месец се наоѓа на овие CDа, тука се DB датотеките". Мисијата се викаше "Направи го невозможното", или "Направи врбата да роди грозје". Со колегите се нафативме да го направиме, го направивме го средивме. Од програмери станавме Senior DBA. Се здобивме со големо искуство. Тоа искуство ми помогна сега да работам тоа што го работам Database Architect.
Во меѓувреме, како што сега сум заразен со блогирање :-), бев заразен со Rent-A-Coder. Работев проекти за ситни пари, но парите не ми беа приоритет, го правев тоа повеќе за да научам Java и J2EE. . Им решавав домашни на странски студенти. Научив, коклу толку, не било страшно :-) пак, објектно програмирање :-)

Ама сум се распишал...
ОК, ај ке привршувам.

Да бидеме јасни, јас сум само обичен информатичар од Македонија, како и сите мои колеги со кои што сум работел, студирал или сум се запознал (намерно нема да споменувам имиња, поради тоа што не сакам да заборавам некокј).

Сите тие се стручни во повеќе области, знаат повеќе програмски јазици ... сите тие имаат свои колеги со кои што сега работат кои исто така се одлични програмери. Сите тие сега обучуваат и го делат своето знаење со многу нови колеги кои само што испаднале од факултет.....

НЕ ИМА ДОВОЛНО, НЕ НЕ ПОТЦЕНУВАЈТЕ ...

Пак за факултетите

Ах... факултетите ... почнав со нив :-) ... Факултетите ќе си постојат, ќе ги менуваат програмите ќе ги прават поинтересни. Морам да признаам дека најновите програми на ПМФ ИИ и ЕТФ КТИ се стварно одлични.

Проблемот е во нешто друго ...
- Проблемот е во зарѓаните професори (не сите) кои ги тераат студентите да бидат во тек со технологијата, но самите не го прават тоа;
- Проблемот е во непотистичките корени кои се длабоко всадени во нашите факултети (неквалитетни синови и ќерки на професори ги малтретираат студентите, СЕКОЈА ЧЕСТ НА ИСКЛУЧОЦИТЕ) .... хахаха .... дури и студентски прашања се опфатенни од оваа појава, па теткиците си дозволуваат се и сешто мислејќи дека никој ништо не им може поради тоа што некој од нивните се наоѓа некаде погоре....

Но, сето тоа е маргинално во споредба со НАЈГОЛЕМИОТ ПРОБЛЕМ - ПАРИТЕ. Како да се стимулира професор кој зема околу 30,000 денари (незнам точно колку е сега, можеби повеќе можеби помалку) и зема ОМАЛОВАЖУВАЧКИ дваесетина денари .... ДАДАДА дваесетина денари за секој екстра час за кој нема креди, ги нема нај основните помагала за работа .....
Во САД најевтините студии се $25,000.
Нашиот народ неможе да си го дозволи тоа...

Но, на крајот на краиштата, тие не се подобри од нас. Сега работам со колеги кои дипломирале на Universit of Illinois, на George Washington University, ... Тие не се ништо подобри од моите колеги од Македонија, напротив ... за нив работното време е од 9am до 5pm, и во слободно време не ги интересира ништо друго, за разлика од нашите кои маката или пак желбата ги натерала да учат и постојано да ги прошируваат своите знаења .

До сите Вас кои сеуште се сомневате во Македонскиот интелектуален потенцијал

Не се сомневајте во Македонскиот интелектуален потенцијал. Можеби немаме образование како што треба да имаме, но имаме желба за престиж и докажување.
Секој ја чека вистинската шанса.

Доста е забегав ... ќе продолжам утре ....

ПОЗДРАВ ДО СИТЕ МАКЕДОНСКИ ИТ ИНЖЕНЕРИ.
(Одам да спијам, касно е)

Искрено,
Михајло

Kama Sutra: Македонија со 64 заразени компјутери

2006-02-04T19:21:00.000+01:00

Kama Sutra црвот, вчера не предизвика некоја значителна штета, но сепак се очекува конечниот ефект да се знае во текот на наредната недела. Оваа резервираност се должи на фактот дека најголем дел од заразените компјутери претставуваат домашни системи.
Во Индија (инаку најпогодена од овој вирус) некои од компаниите рапортирале активност на вирусот, т.е. забележале дека некои од file-овите биле инфицирани од овој вирус, но сеуште не се знае големината на нанесената штета.
Систем администраторите во Милано, Италија биле принудени да исклучат 10,000 компјутери после откривањето дека некои од нив се инфектирани од вирусот, а не биле во можност да го исчистат до петокот (некои од алатките за дезинфекција излегоа во четвртоткот 02/02/06 рано наутро).
Според информациите кои ги имав до вчера, заразени се вкупно 300,000 компјутери. Но овие податоци се далеку од вистинските, бидејќи се базираат на информации од компаниите и не го вклучуваат бројот на заразени домашни компјутери (многу од корисниците не се запознаени за вирусот).

Во Македонија досега се регистрирани 64 заразени компјутери.

На врвот на листата е Индија има 80,000, понатаму следи Перу со 55,000, САД има 15,000, од нашите соседи Грција има 4,716, турците се доста заразени со 15,516 итн.
Сега се гледа која нација најмногу се пали на порно пораки :-)))) Индијците, машала, растураат :-)
Интересни се податоците како се ширел вирусот. Ширењето и нападите растат по експоненцијална линија, што е разбирливо.

Комплетна статистика на овој линк

Значи како што некој искоментира на мојот претходен пост, можеби МТНЕТ придонесе кон заштитата на Македонските компјутери да се заразат од овој вирус, со тоа што нуди доста високи цени, па многу мал број на луѓе можат да си дозволат да пристапат на интернет и со тоа да бидат цел на напад :-)))

Како и да е, вирусот се активира секој 3ти ден во месецот. Ако сакате да си го проверите компјутерот, информации за симптомите може да најдете овде.

Од мене толку и не отварајте пораки со "мрсни" наслови :-)))

Поздрав,
Михајло

Oracle планира да го купи JBoss?!

2006-02-04T00:04:00.000+01:00

Oracle се спрема да го купи JBoss.
Ова се последните информации кои може да се најдат на Java Industry News порталот.
Ова сеуште е во рангот на шпекулации, но кај што има чад има и оган.

Зошто Oracle би сакал да го купи JBoss?

Дали сака да го тргне од списокот на конкуренти за својот Oracle Application Server, кој и не постигна некој голем успех? Дали сака да оди по чекорите на Phillippe Kahn кој во 1991 година ја купи dBase базата на податоци со цел да ја тргне од патот на својата Paradox база?

Или пак можеби чичко Larry Ellison сака да се плетка малку и во Open Source светот.
Да не заборавиме дека Oracle минатиот Октомври го купи InnoDB Storage engine-от на MySql. После тој "шопинг" купувањето на JBoss би бил втор Open Source продукт во сопственост на Oracle.

Имајќи го во предвид стратешкиот договор кој Oracle го склучи со Sun Microsystems, може да се каже дека Oracle спремаат нешто "крупно". Што е тоа, се надевам ќе дознаеме наскоро.

Од мене толку, кој сака да чита повеќе за оваа вест еве му линкови:

eWeek
Java Industry News

Kama Sutra напаѓа денес. Побрзајте да се заштитите

2006-02-03T17:07:00.000+01:00

Kama Sutra или W32.Blackmal.E@mm
Ако не сте се заштитиле на време, сега можеби е и касно но сепак еве ви линкови од некои производители на анти-вирус апликации кои имаат направено алаткa или процедура за чистење на вирусот.

Symantec
F-Secure
Bit Defender

Црвот "Blackworm" познат и како Kama Sutra, MyWife.E или Nyxem. E користи праќа е-mail пораки кои содржат порнографски материјали. Луѓето од "љубопитност" ги отвараат attachment-ите и го заразуваат својот систем.
Црвот се активира секој 3 ден во месецот и се обидува да модифицира некои file-ови на системот кои имаат одредена екстензија. После модификацијата тие се коруптирани и неупотребливи.
Екстензиите кои се напаѓаат се .dmp .doc .mdb .mde .pdf .pps .ppt .psd .rar .xls .zip
Пораката која "Blackworm" ја впишува е "DATA Error [47 0F 94 93 F4 K5]"
Subject-от на e-mail пораката го има следниот текст:

*Hot Movie*
A Great Video
eBook.pdf
Fw:
Fw: DSC-00465.jpg
Fw: Funny :)
Fw: Picturs
Fw: Real show
Fw: SeX.mpg
Fw: Sexy
Fwd: Crazy illegal Sex!
Fwd: image.jpg
Fwd: Photo
give me a kiss
Miss Lebanon 2006
My photos
Part 1 of 6 Video clipe
Photos
Re:
Re: Sex Video
School girl fantasies gone bad
the file
Word file

Првата негова активност е забележана во почеток на Јануари.

Се проценува дека околу 300,000 компјутери се моментално инфицирани. Црвот се шири со доста голема брзина и превенцијата е задолжителна.

Ако не ви е заштитен компјутерот, побрзајте , утре е 4 Фебруари, но 3 Март ќе дојде за еден месец.

www.macedonia.co.uk ... Одлична презентација

2006-02-03T16:05:00.000+01:00

Вреди да се погледне интернет страницата www.macedonia.co.uk.
Тоа е една убава презентација за Македонија која нуди информации за самата држава, за народот, културата, уметноста, градовите итн.
Покрај другото, постои можност за купување на книги, сувенири, рачно изработени предмети, итн.
Страницата е изработена од Babylon Software Solution Group.
Според нив истата има цел да служи како презентација на Р. Македонија на странци, затоа и содржината е само на англиски јазик.

Водени од желбата името на интернет страницата да го содржи називот на државата Macedonia ти е ја избрале адресата www.macedonia.co.uk.

Овакви интернет страници и фалат на Македонија, и секој чекор сличен на www.macedonia.co.uk е за поздравување.

Ограничени можности

2006-02-02T22:47:00.000+01:00

Една работа никако не можам да ја сватам.
Зошто интернетот во Македонија е толку скап?
Коса ми се крена кога ги видов цените на МТНЕТ.
За 1300 денари го нудат СТАРТ ADSL пакетот, со брзина на пристап 384/128Kbps и 512MB вклучен сообраќај. За 13,590 денари го нудат ПРОФИ ADSL со брзина на пристап од 1Mbps и 25GB вклучен сообраќај.
На сето тоа и 2 години претплата, хахаха...катастрофа.
Не ми е јасно како, зошто, која е логиката, која е математиката?!?!?!?!

На пример:
British Telecom нуди неограничен Cable/DSL интернет за цена од 15 до 29 фунти.
Comcast им нуди неограничен кабловски интернет на корисниците во САД за цена од $20 месечно. Брзината на пристап е од 8-10 Mbps.
AT&T за цена од $15 месечно нуди неограничен DSL интернет.

За многу пониска цена добивате брз интернет и што е најбитно тој е неограничен.
Неможе да се споредува стандардот на населението во МКД и земјите каде што оперираат претходно наведените компании.

Целта на компаниите кои нудат интернет услуги е да продрат до секој дом.
Нудејќи најразноразни услуги тие си го зголемуваат приходот, но цената на основниот интернет пристап не се зголемува, напротив поради големата конкуренција таа се намалува.

Според последните истражувања 5% од населението во Македонија користи интернет. Од 2,000,000 таа бројка е 100,000. Сите да се претплатени на најмалата сума (значи сите да плаќаат СТАРТ ADSL) се доаѓа до бројката 130,000,000, односно околу 2.5 милиони долари.

Ако цената на интернет услугите е дупло помала и да изнесува 600 денари во тој случај бројот на корисници би се зголемил неколку пати. Ајде да речеме дека ќе биде 15%. Тогаш приходот од интернет услугите би бил 3,6 милиони долари, што значи зголемување за 44%.

Имајќи го ова во предвид, се прашувам дали македонскиот интернет провајдер МТНЕТ има аналитичари, статистичари, математичари во својата компанија.

Пред два дена неможев да пристапам на ниедна интернет страница која е хостирана од македнски сервер. Каде е контролата на квалитет? Кој се грижи за квалитетот на услугите? Плаќа ли некој пенали за ваквите "ограничени можности"?

Дали МТНЕТ има ексклузивно право да го скрати правото на македонкиот граѓанин да фати чекор кон светот, да го кочи развојот на македонското општество?

Кој им го дал тоа право?
Каде е националната стратегија?

DB2 Express-C - бесплатна верзија на IBM DB2

2006-02-01T18:46:00.000+01:00

И IBM реши да издаде модифицирана верзија на својата DB2 база која би била бесплатна. Се работи за DB2 Universal Database Express-C, со што IBM им се придружува на напорите на Microsoft(SQLServer Express) и Oracle (Oracle XE) да издаде база која би била конкурентна на денешните бесплатни и OpenSource бази MySql, PostgreSQL.
Express-C ќе работи на Windows и Linux платформи. Во почеток ќе бидат поддржани следниве Linux дистрибуции: Novell Open Enterprise Server 9, SuSE Enterprise Server 8 и 9, Red Hat Enterprise Linux 3 и 4, Asianux 1.0, Mandriva Corporate Server 3.0, Nitix 4.2.2a, Red Flag Advanced Server 4.1, и Ubuntu 5.04.
Кои ќе бидат ограничувањата во споредба со DB2 сеуште не ми се познати, но секако дека ќе ги има. За да им парира на Oracle и Microsoft, може да се очекува дека IBM нема да бидат толку рестриктивни кон feature-ите што ги има нивната комерцијална DB2.
Пробната верзија на Express-C можете да ја симнете од овде.
Како подршка при инсталацијата IBM отворија форум каде што може да се постават прашања за најновата дистрибуција на нивната база.
Повеќе информации за Express-C можете да најдете на овој линк.

Goobunto - Linux дистрибуција на Google

2006-02-01T18:31:00.000+01:00

Google изработува сопствена Linux дистрибуција наречена Goobunto.
За сега тоа е интерен проект и е наменет за употреба внатре во фирмата.
Се работи за модифицирана верзија на Ubuntu базирана на Debian и Gnome desktop.
Дали ова значи дека Google сакаат да излезат на пазарот со сопствен оперативен систем со што би им преставувале конкуренција на Micrsosoft?
Портпаролот на Google призна дека развиваат сопствен оперативен систем, но и дека за сега тој е наменет за внатрешна употреба и не се планира јавна дистрибуција.

"We utilize the Ubuntu technology for internal use, but have no plans to distribute it outside of the company," the spokeswoman said. She also denied the company was using the name "Goobunto" internally for the software, saying, "It's just an internal system."

Повеќе

Што добиваш ако работиш за Google

2006-02-01T18:15:00.000+01:00

Бесплатни оброци, базент, фитнес центар, амбуланта се само дел од бенифициите кои ги имаат вработените во Google.
Што се прави Google да ги задржи своите инженери и да го собере најквалитетните студенти во својата компанија е навистина импресивно.
Google се во контакт со 300 професори на универзитети во САД кои им помагаат при изборот на најдобрите студенти.
Бенефитите кои Google им ги нуди на своите вработени се:

- Флексибилно работно време
- Бесплатни оброци
- Базент за рекреација,
- Фитнес центар,
- Амбуланта,
- 3 недели одмор, итн.

Според Larry Page и Sergey Brin(луѓето кои го направија Google тоа што е), се работи за креативност која ќе им помогне на вработените да бидат креативни на своите работни места.

Една моја колешка беше на workshop на Google во San Francisco, CA. Тоа што го доживеала мора да се почуствува за да може да се разбере. Кревети за одмарање после ручек, кревети за спиење, храна на сите страни, со еден збор фантастична синергија која се граничи со перверзија. За жал не донесе слики заради тоа што сликањето било забрането.

Не се работи само за добивање бесплатни тортељињи во кафетеријата, што ќе го натера некој доктор на науки да го напушти универзитетот каде што предава и да му се приклучи на Google, Larry Page и Sergey Brin сакаат најврвните стручњаци да бидат дел од нивната компанија.

Oracle: Интересна Q&A страница

2006-01-31T23:05:00.000+01:00

Иако се дигна многу прашина околу најновиот блог на Eddie Awad сепак тој претставува едно место каде што може да се најдат многу финти, трикови и други информации во врска со Oracle database server PL/SQL програмирање.
Се работи за Oracle Questions and Answers или oraqa.
Проблемот е што некои од одговорите се несоодветни за прашањата, или пак се многу кратки, но сепак понекогаш самата идеја значи многу.

Еве некои од поинтересните прашања и дискусии:
What happens when a session is killed?
How to list all tables that contain a given column name?
How to Write “Good” SQL
How to find the IP address of the database server?

Ако ве интересираат вакви работи, ајде на следниот линк.

Поздрав,
Михајло

Ресурси, книги, туторијали, сертификати ...

2006-01-30T23:43:00.000+01:00

Free Training е интересен интернет портал на која може да најдете бесплатен тренинг за ASP.NET, Oracle 9i, Wireless технологии, Oracle Apps 11i, Oracle 10g DBA, J2EE итн.
Покрај ресурсите, постојат и симулатори на испити за сертификатите на Sun, Oracle и Microsoft.
Книги, туторијали, форуми... Одличен портал.

DR: Имаме бекап, сигурни сме... Аха, сигурно!!!

2006-01-30T20:25:00.000+01:00

Во еден од претходните текстови, пишував за тоа што значи да се има Disaster Recovery (DR) стратегија.
Текстот беше повеќе наменет на имање стратегија за заштита на податоците и брзо подигање на продукцискиот систем во случај на некоја елементарна непогода.
Сепак, под имање на Disaster Recovery стратегија не се подразбира имање само стратегија за заштита на податоците.
Многу грешки можат да се случат со невнимание или со занемарување на значајноста на некои проблеми.
На пример, вашата фирма вработува консултант, кој пропагира користење на најсуфистицирана технологија. Вие импресионирани од неговото знаење(најголема грешка на нашите менаџери, да го ценат туѓото повеќе отколку своето) сесрдно ги прифаќате сугестиите и ... проектот почнува да се реализира. После неколку месеци заклучувате дека вашите програмери не се доволно обучени за работа на избраната технологија. Консултантотн го нема повеќе. Ви требаат екстра пари за обука на вработените. Голем дел од кодот е неупотреблив, бидејќи вашите луѓе не биле целосно вклучени во изработката на истиот. Треба да направите промени во кодот, но тоа не е возможно, или пак треба време.
Резултат ... проектот не функционира, губите време, пари ... катастрофа :-).

Денеска најов интересна статија "20-те најголеми грешки кои треба да се избегнат".

1. Botching your outsourcing strategy
2. Dismissing open source -- or bowing before it
3. Offshoring with blinders on
4. Discounting internal security threats
- многу интересен проблем. Според Gartner, 70% од безбедносните проблеми кои се случуваат се предизвикани внатре во компанијата.
5. Failing to secure a fluid perimeter
6. Ignoring security for handhelds
7. Promoting the wrong people
- Се случува многу често :-)
8. Mishandling change management
9. Mismanaging software development
- Ова е проблем кај многу наши фирми. Всушност, нашите менаџери повеќе сакаат да вработат нов, неискусен програмер, отколку да го задржат искусниот (кој некако се осудил да побара зголемување на својата плата). Ова води кон губење на една алка од синџирот кој функционирал претходно.
Нема да споменувам имиња на фирми, но една Македонска фирма е пред пропаст поради водењето на ваква стратегија.
Еден мој колега од факултет, сега успешен менаџер, размислува дека со вработување на двајца нови програмери (почетници) може да ја покрие работата на програмеркој има 2 години искуство во работење на тековни проекти во фирмата.

“IT managers should devote most of their free time to [finding] the best people. Almost nothing else matters, really”.

10. Letting engineers do their own QA
- Се случува многу често во фирмите во Македонија.
Аха, супер е функционира, ајде да одиме сега на пиво. :-)
11. Developing Web apps for IE only
- И после зошто не ни функционираат некои сервиси на Firefox, Opera, Netscape.
12. Relying on a single network performance
13. Throwing bandwidth at a network problem
- Многу често може да слушнам..."Мрежата не им е добра до bandwidth-от е".
Проверете си го прво кодот на апликацијата.
14. Permitting weak passwords
- Е ова го има секаде.
15. Never sweating the small stuff
16. Clinging to prior solutions
17. Falling behind on emerging technologies
18. Underestimating PHP
19. Violating the KISS principle
- KISS (keep it simple, stupid) ... Совршено.
20. Being a slave to vendor marketing strategies

Кој сака повеќе да чита одделно за секоја од причините нека отиде на следниот линк

Ако заклучите дека правите некоја од гореспоменатите грешки, поправете ја додека имате време.

Од мене толку,

Поздрав

Листа на Open Source апликации

2006-01-30T15:45:00.000+01:00

Листа на Open Source апликации:

Wikipedia
Windows Open Source апликации

Oracle: Симнете го најновиот patch DB18.

2006-01-30T06:18:00.000+01:00

Ако користите Oracle база на податоци, побрзајте да го симнете најновиот patch кој Oracle го издаде минатата недела.
Имено се работи за patch DB18, кој ја поправа "дупката" која дозволува неовластени корисници да ја изменат аутентификацијата на базата и да станат "супер корисници", односно администратори.
Проблемот први го откриле инженерите од Imperva. Според Shlomo Kramer, CEO на Imperva, пропустот може да предизвика сериозни последици и се надева дека до сега не бил откриен од страна на хакери.
Инаку, инженерите на Imperva Application Defense Center го лоцирале проблемот пред неколку месеци. Уште повеќе, проблемот датира многу одамна почнувајќи од верзијата 8i.
Се работи за можноста било кој корисник да може да си додели DBA привилегии при самото логирање.

Значи сите кои користите Oracle 8i, 9i, 10g право на овој линк ако не сакате да имате проблеми со несакани гости.
Инаку Oracle на своите корисници веќе им испрати e-mail пораки со комплетна информација за проблемот и им ја објасни потребата за итно инсталирање на најновиот patch.

Повеќе за проблемот можете да најдете овде.

Јас веќе го симнав и инсталирав,

Поздрав,
Михајло

Skype идеален за хакери

2006-01-29T17:45:00.000+01:00

Само што ја прочитав веста која ме многу ме разочара. Skype е мојот омилен instant messenger, го користам најмногу за Voice Chat. Поради применетата VoIP технологија, се користи во светот и за телефонски разговори. Во САД многу и не се исплати претплата на Skype, бидејќи разговорите се и онака џабе (13.9 центи/минута за Македонија, 4.5 центи минута секаде во САД), но сепак како Voice Chat систем дава најдобар и најчист сигнал од било кој друг Chat систем (MSN, Yahoo, ICQ).

Е сега, истражувачите од Cambridge University и Massachusetts Institute of Technology (MIT), во четвртокот предупредија дека апликациите кои нудат можност за интернет разговори, како што е Skype, се многу порозни на напади од хакери.

Имено, проблемот лежи во тоа што таквите апликации не се веднаш спремни за коментирање. Постои временски интервал пред корисниците да почнат да си праќаат пораки. Тој временски интервал може да се искористи од страна на хакери да ја нападнат мрежата која се користи за комуникација.

Сепак, според The Communications Research Network (CRN), сеуште се немаат приметено никакви напади. Ова е само предупредување за превземање на превентивни мерки во случај на напад.

Повеќе

Поздрав,
Михајло

Cosmodex: Блоговите ќе се пребаруваат полесно

2006-01-26T17:41:00.000+01:00

Cosmodex ќе им помогне на блоговите и на малите интернет страници да генерираат посетеност.
Имено, Cosmodex денеска пушти во продукција нов search engine кој ќе доделува поени на лојалност кои потоа може да се искористат за бесплатно генерирање на посетеност на страните (web traffic).
Системот најмногу е наменет за блогерите и малите интернет страници кои немаат доволно буџет да се рекламираат за да бидат посетени.
Со ова ќе се генерира посетеност на страниците која ќе придонесе интернет страната да може подобро да се пребарува од страна на пребарувачот на Cosmodex.
Регистрацијата на страницата на Cosmodex е бесплатна.

Поголемите интернет пребарувачи како Google, Microsoft и Yahoo, исто така ја разгледуваат можности, како да им приближат на "малите" интернет страници.

Microsoft дури и изгради две лаборатории за истражување со цел да го подобри својот search engine, со што помалите страници подобро би се пребарувале, а во исто време ќе ги предизвика и другите пребарувачи да го сторат тоа. повеќе

После оваа вест пробав да го тестирам Cosmodex пребаруваот. Далеку е од правење конкуренција на Google, MSN, Yahoo. Премногу е спор, и резултатите од пребарувањето се далеку полоши од оние кои ги добивам на пример со Google.
Ако поентата е да го користиш Cosmodex за да бидеш searchable, прашање е колку време треба да поминеш, користејќи го него за пребарување.

Добрата страна на оваа идеа ја гледам во тоа што ги натера големите пребарувачи да размислуваат малку поинаку.